Girlboss by Master Kama (Closed)

今次俾朋友拉左去呢間勁靚勁少女既餐廳，本身諗住重要食氣氛，叫左個Dinner set，其實都幾抵食，仲要有勁多款食物選擇。大蝦田園沙律。熱既燒大蝦同沙律配合幾好，另外個白味噌醬又唔太濃味，整體keep到清新感覺。黑松露瑞士芝士沙律。個醬酸酸甜甜，加少少芝士咸味同黑松露香味，非常開胃。龍蝦玉子燒。唔錯，好有蛋味，龍蝦味唔會搶走啲味，兩邊味道都好平均。低溫慢煮三文魚。非常出色，肉質非常細嫩，同時完全保留到魚味同油脂味道，好正。但建議同其他食物一齊食，因為油脂太勁好容易膩。芝士炸雞漢堡。好可愛既漢堡包，細細件，雖然覺得食漢堡包一定會食的好「呢Hea」，但真係點都要叫一個炸雞仲好脆，包都無淋到，但味道有啲濃。海膽忌廉蟹肉意粉。海膽味唔太濃，淡淡地配合蟹肉，令每啖都有海鮮味，但又唔會好過份好濃烈，食食下就食哂成碟整體唔錯，食物都多選擇，另外環境氣氛非常適合一班女生朋友黎聚會，推介俾各位想享受少女風的朋友仔。