Séan Café & Lounge (Closed)

呢間粉紅色cafe想去好耐，唔知點解同朋友約到依家先去食到🤣不過唔緊要，去到都好開心💖離遠望到門口既落地大玻璃離，已經覺得好靚，餐廳入面用粉紅色做主題，好多打咭位（襯埋花花同羽毛🪶好靚）特別係門口嘅吧枱同埋梳化位，見好多人都喺度影相😍🍴食物🍴1️⃣Set Dinner(包湯/沙律&酒/咖啡或茶）南瓜湯🎃南瓜味道好濃郁，入口有份清甜味。慢煮加拿大豬鞍扒配百里香鳳梨醬$238: 豬鞍好軟淋，好易切開👍🏻配鳳梨醬甜甜地同豬肉好夾，下層喺好滑嘅薯蓉，仲有燒香咗既蔬菜墊底，成個感覺好豐富🤤食肉就當然配紅酒🍷我都係淺嘗一下，聽日仲要返工😜2️⃣香草醬車厘茄意粉配慢煮雞柳$118：好開胃味道嘅一道意粉，香草加埋蕃茄味道多層次👍🏻雞柳肉質都幾嫩，同埋份量都算多✨3️⃣雜莓忌廉芝士窩夫$88：原來窩夫打直咁擺，視覺效果仲靚😍揭開窩夫中間係好邪惡嘅牛油🧈不過一定要咁樣配合先更加好食🙈影咗一陣相，窩夫仲keep到微暖既溫度，咬落好鬆脆！4️⃣彩虹梳打$48：真係做到一層層🌈顏色效果，好靚啊😍味道唔會太甜，百香果味道比較重。