Video
Read full review
2021-03-31
4944 views
💮又輪到兩個月一次同貓妹嘅high tea時間啦，今次豬妹都得閒，同埋熊妹齊腳三人行，揀咗超級華麗位於1881的《ODEA》食個貴婦下午茶啦！📌咁高級嘅下午茶，都預咗要一個月之前訂位。熊妹當然做足功課，不過都係爭唔到室外位置，一個月前都已經比人哋訂🈵。📌不過《ODEA》咁高級嘅餐廳室內嘅環境當然唔會比下去啦！一個廳唔算太大，大概都容納到八至10張嘅四人枱，裝潢好光鮮整潔💡，就係感覺一間高級餐廳。📌Afternoon Tea由下午三點開始，六點結束，星期六日嘅價錢為$598兩位加一杯咖啡或茶，三人行就計返三個人嘅價錢，俾返三人嘅份量，冇特別額外收費。Afternoon Tea Set📌今次無端端撞正士多啤梨主題，迷人pink lady咁，雖然熊妹就麻麻哋粉紅色，但少女心💕都唔抗拒嘅。下層-PastriesUS Strawberry Crème Brûlée Pistachio Tart士多啤梨布甸開心果撻，簡單啲來講即係士多啤梨慕絲上面灑左啲開心果碎，士多啤梨味都有就係甜士多啤梨醬味，連埋開心果碎同埋撻皮嘅脆口。French Wild Strawberry & Lemon verbe
💮又輪到兩個月一次同貓妹嘅high tea時間啦，今次豬妹都得閒，同埋熊妹齊腳三人行，揀咗超級華麗位於1881的《ODEA》食個貴婦下午茶啦！
📌咁高級嘅下午茶，都預咗要一個月之前訂位。熊妹當然做足功課，不過都係爭唔到室外位置，一個月前都已經比人哋訂🈵。
📌不過《ODEA》咁高級嘅餐廳室內嘅環境當然唔會比下去啦！一個廳唔算太大，大概都容納到八至10張嘅四人枱，裝潢好光鮮整潔💡，就係感覺一間高級餐廳。
📌Afternoon Tea由下午三點開始，六點結束，星期六日嘅價錢為$598兩位加一杯咖啡或茶，三人行就計返三個人嘅價錢，俾返三人嘅份量，冇特別額外收費。
Afternoon Tea Set
433 views
2 likes
0 comments
📌今次無端端撞正士多啤梨主題，迷人pink lady咁，雖然熊妹就麻麻哋粉紅色，但少女心💕都唔抗拒嘅。
下層
145 views
2 likes
0 comments
US Strawberry Crème Brûlée Pistachio Tart
士多啤梨布甸開心果撻，簡單啲來講即係士多啤梨慕絲上面灑左啲開心果碎，士多啤梨味都有就係甜士多啤梨醬味，連埋開心果碎同埋撻皮嘅脆口。
French Wild Strawberry & Lemon verbena cake
外型做到成粒士多啤梨🍓咁嘅樣，都幾吸引！咬落去就好似士多啤梨慕絲咁，上面粒士多啤梨錠係朱古力造成，食落去又唔係好假嘅朱古力甜，都易入口。
Belgium strawberry cream & sponge
經典嘅士多啤梨海綿蛋糕🍰，中間係士多啤梨忌廉再加士多啤梨果肉；海棉蛋糕超級軟熟，入口溶化，食一啖真係所有少女心出返晒嚟。
Local Farm Strawberry tiramisu parfait
士多啤梨芭飛杯🍧都不外乎係士多啤梨慕絲同埋士多啤梨果肉，仲有少少脆脆，撈埋一齊食就變成一款甜品。
全部甜點應該以士多啤梨果醬為主，食落去有新鮮果肉，一啲都唔酸，就係綜合晒所有士多啤梨味甜品嘅精選。
中層
119 views
1 likes
0 comments
Strawberry Yoghurt & Lobster Sandwich
賣相望落去一大粒士多啤梨🍓下邊坐住一件卷蛋，成件事好似甜點喎！
原來個卷蛋係麵包嚟㗎，入邊用士多啤梨味乳酪撈埋龍蝦肉絲做三文治餡都幾特別喎！食落去士多啤梨味又唔係好出，變成都係一款鹹點，龍蝦肉絲都多，同軟熟嘅麵包夾埋一齊，飽肚。
Duck Foie Gras Cup Cake, Strawberry & Fig Balsamic
要頭又有層熊妹最怕嘅鵝肝？鴨肝？內臟醬，總之就通通都比晒貓妹食啦，佢又食得幾㗳糖喎。
Cupcake 🧁咬落去係好濕潤嘅蛋糕，細細地嘅一件唔會好膩。不過鵝肝又好少襯蛋糕食，咁樣嘅配搭都幾特別下。
Crab & Strawberry with Pan Cake, Caviar
兩塊好細嘅班㦸仔🥞，中間夾雜着魚子醬同埋蟹肉絲，成件事鹹鹹地，食材又好高貴，出面啲tea set好少食到，唔錯！
Strawberry & Brie de Meaux Tart
呢款就係鹹芝士撻🥧就係成舊真正法國牛奶芝士，唔係甜品用嘅忌廉芝士。如果要就咁食就真係難入口左啲，熊妹於是搽咗啲用嚟搽鬆餅嘅果醬，估唔到又幾掂喎！甜甜哋又唔係太鹹，成嚿芝士入口又有少少果醬嘅濕潤，口感都夾喎！
Scones
115 views
1 likes
0 comments
鬆餅有兩款口味，原味同士多啤梨味，本身一個二人Afternoon Tea set係包一款口味一件即共兩件，今次熊妹三人行嗌三個人份量，竟然係有四件㗎，真係超級開心囉！
鬆餅要趁熱食，先食得出牛油嘅鬆化。口感都算係鬆化，但係牛油味唔算太出，未稱得上係出色。
粉紅色鬆餅望落去好粉紅色，食落士多啤梨味又唔係好出，反而驚喜在入邊加咗啲合桃粒粒，不過熊妹都係鍾意提子粒粒多啲。
跟上有三款醬，經典嘅clotted cream、士多啤梨果醬，仲有好少見的無花果醬。無花果味就唔算好出，甜味居多，不過無花果醬比士多啤梨醬冇咁甜。
Gravlax Salmon & Heirloom Tomato, Strawberry
121 views
1 likes
0 comments
Gravlax Salmon & Heirloom Tomato, Strawberry
除咗下午茶三層架之外，另外仲有一碟冷盤，係新鮮三文魚浸上士多啤梨汁，仲有啲蕃茄仔同埋士多啤梨做伴碟，三文魚咁煮法幾特別喎，食落去都幾滑溜冇渣。
Flat white
79 views
1 likes
0 comments
熊妹例牌就點左熊妹嘅例飲flat white☕️，典型心型💗嘅拉花🈴格，奶泡層夠厚，咖啡味香濃，但奶味都出，唔錯。
Earl Grey Tea
60 views
2 likes
0 comments
貓妹同豬妹就不約而同都揀咗伯爵茶🍵，用上茶包沖嘅伯爵茶，味道不過不失，獨特嘅香味襯下午茶茶點黎食真係幾特別。
Afternoon Tea Set
158 views
1 likes
0 comments
Post
