Video
Read full review
2018-01-04
394 views
一向都係masterkama嘅粉絲，好鐘意佢地嘅龍蝦系列產品，知道佢地最近嘅姊妹店開業，選址荃灣，又近我，喺2018年起始就同埋朋友去試下。餐廳名為girl boss，門面、裝潢、餐具都以粉紅色為主，好啱一班鐘意pinku pinku嘅少女餐廳位於荃灣廣場，平日晚上黎到，客人不少，店內位置頗多，有卡位、梳化位，空間感足，配合大熱嘅雲石枱，十足一家甜品店。環境方面俾好高分，始終係新店，個人認為食物方面仍有改善空間餐牌選擇多樣，供應西式食物為主，有沙律、前菜、主菜、意粉、意大利飯、薄餅、漢堡、鍋物等，有部分菜式都同masterkama相同，價錢方面較為大眾化，驟眼睇落都唔會好貴。而最方便快捷唔洗用腦嘅當然係點二人餐Bossy Royal Set $358/2位呢個餐可以樣樣都試到啲，而最大賣點係用層架上，少女至愛打卡必備的fu，食晚餐都食到好似tea一般。套餐彈性頗大，基本上食物係自選，包括湯/沙律兩款(full size)、兩款前菜(半份)、主菜（full size)、漢堡/意粉/意大利飯/薄餅兩份(半份)。驟眼睇落都幾抵食，又啱哂花心想乜都試嘅人，不過上枱先知，份量真係偏細，如果細食嘅
餐廳名為girl boss，門面、裝潢、餐具都以粉紅色為主，好啱一班鐘意pinku pinku嘅少女
餐廳位於荃灣廣場，平日晚上黎到，客人不少，店內位置頗多，有卡位、梳化位，空間感足，配合大熱嘅雲石枱，十足一家甜品店。環境方面俾好高分，始終係新店，個人認為食物方面仍有改善空間
餐牌選擇多樣，供應西式食物為主，有沙律、前菜、主菜、意粉、意大利飯、薄餅、漢堡、鍋物等，有部分菜式都同masterkama相同，價錢方面較為大眾化，驟眼睇落都唔會好貴。而最方便快捷唔洗用腦嘅當然係點二人餐
Bossy Royal Set $358/2位
呢個餐可以樣樣都試到啲，而最大賣點係用層架上，少女至愛打卡必備的fu，食晚餐都食到好似tea一般。套餐彈性頗大，基本上食物係自選，包括湯/沙律兩款(full size)、兩款前菜(半份)、主菜（full size)、漢堡/意粉/意大利飯/薄餅兩份(半份)。驟眼睇落都幾抵食，又啱哂花心想乜都試嘅人，不過上枱先知，份量真係偏細，如果細食嘅，點呢個set人均咪200蚊左右。不過好似我地咁，唔係雀仔胃，呢個餐真係唔多夠食，起碼要單點多一至兩款食物。人均$300up先夠，咁我自然會聯想起母店，都係差唔多價錢，可能更加飽肚。
沙律/湯(兩款全份量)：我地每樣揀左一款，【蟹肉牛油果蘋果青瓜沙律】非常迷你，將沙律放左入玻璃杯中，賣相就幾靚，不過難免會覺得有點細份，特別已經係全份量，單點要$43。蟹肉混入沙律醬，連同水果，其實口感幾豐富，配搭亦都幾健康。
【是日餐湯】似羅宋湯，湯嘅質素不俗，單點$38，還可以接受。質地濃稠，味都亦都幾濃，唔會太酸
沙律/湯(兩款全份量)
9 views
0 likes
0 comments
蟹肉牛油果蘋果青瓜沙律(全份量)
15 views
0 likes
0 comments
是日餐湯
11 views
0 likes
0 comments
以層架上嘅set好快就到了，一上枱，大家確實有點目定口呆，份量好少啊…可能少女嘅胃口特別小
Bossy Royal Set
7 views
0 likes
0 comments
前菜(兩款半份量)：【玉子燒-龍蝦】放於層架上層，玉子燒有三款，分別係龍蝦、黑松露芝士、魚子蟹肉，可以自選，我地揀左龍蝦，全份定價$88，套餐中嘅份量係半份。呢款我曾經都喺母店食過，味道唔錯，所以喺超過15款前菜中，我都揀左玉子燒，不過味道有點失望。
玉子有少少過熟，冇滑溜嘅口感，略帶乾實，裡面嘅龍蝦肉反轉都只係搵到一粒仔，食之無味。
玉子燒-龍蝦(半份)
3 views
0 likes
0 comments
玉子燒-龍蝦(半份)
7 views
0 likes
0 comments
【香草白醬焗大蜆薯蓉】係我認為全晚最好食的，雖然話係半份，但起碼睇落都唔會太寒酸。(作為參考，全份定價$75)
以鐵盤上，新鮮熱辣焗起，裡面有6粒大沙白，加上香草、芝士、白醬焗成，時間剛好。
大蜆都算飽滿，吐沙乾淨，薯蓉香濃幼滑，好味
香草白醬焗大蜆薯蓉(半份)
12 views
0 likes
0 comments
主菜(一款全份量)：主菜方面有海鮮拼盤、焗龍蝦(加錢)、慢煮三文魚、煎西班牙豬腩肉等，我地揀左【燒一口安格斯西冷、焗薯粒、烤蔬菜、香草法式牛油汁】(作為參考，全份量定價$118)以百零蚊嘅西冷黎講，份量還可以，未至於太少，味道不過不失。西冷煮得有點過熟，幸好切成一口size，令口感不至於柴韌。調味方面略為重手，偏鹹一點。配菜有椰菜花、筍、蘿蔔，薯粒切到比牛粒更細。
燒一口安格斯西冷、焗薯粒、烤蔬菜、香草法式牛油汁(全份)
12 views
0 likes
0 comments
燒一口安格斯西冷、焗薯粒、烤蔬菜、香草法式牛油汁(全份)
15 views
0 likes
0 comments
漢堡/意粉/意大利飯/薄餅(兩款半份量)：超過20款當中揀選兩份，我地揀左兩款比較穩陣嘅，包括【香煎大蝦蒜片辣椒意大利粉】，味道唔錯，雖然係半份，但都唔會話好少，入面有三隻煎過嘅蝦。(單點意粉$118)意粉煮得略為硬身，不過本身我就唔鐘意太腍嘅，可以接受。加左少量蒜片、香草炒成，唔會太油膩，幾好食。至於蝦，其實就唔係話好大隻，不過食落幾爽口。成份意粉唔會好辣，比較溫和。
香煎大蝦蒜片辣椒意大利粉(半份)
6 views
0 likes
0 comments
另一份【意式龍蝦海鮮薄餅】，單點全份要$168，呢度兩塊半話係半份，不論味道定份量都有點失望，如果單點都會嫌太貴。
薄餅係薄脆餅底，即時做起，幾脆唔粉，龍蝦肉寥寥可數，實際係食唔到，反而魷魚比較明顯。
意式龍蝦海鮮薄餅(半份)
8 views
0 likes
0 comments
仲點左兩杯飲品試埋，分別係【thunderstorm】、【yellow submarine】，分別定價$58，屬於smoothie類，我自己本身鐘意masterkama嘅沙冰，賣相幾靚，而且味道唔錯，今次都幾有信心。黑色嘅係【thunderstorm】，係荔枝同桃味嘅混搭，味道唔錯，又夠大杯，甜度適中。
thunderstor
$58
11 views
0 likes
0 comments
更為吸睛嘅係【yellow submarine】，以芒果、莓製成，清晰嘅分層，賣相好靚，味道都唔錯，芒果幾香甜，莓味喺底層，酸酸甜甜，幾夾。
只係呢類飲品要盡快飲，否則咁大杯，容易例塌。
yellow submarine
$58
12 views
0 likes
0 comments
餐牌：
Post
