Video
Read full review
2018-05-06
231 views
位於長沙灣的少女風cafe，之前剛剛開業嗰陣時嚟過一次，今次嚟到裝飾多咗好多，食物嘅款式都多咗好多選擇。呢間cafe全間都係粉色系，幾乎每一個角落都係打卡位，充斥着少女心，仲有好多道具比姊妹們影相，呃like真係一流❤️唔好以為呢間cafe得個樣呃得下人，其實食物質素都有好令人滿意，性價比好高！蟹柳蟹籽意粉($60)份量非常足料 蟹籽堆到成座山咁多，意粉軟硬度適中，配上嘅白汁好香奶味，醬汁亦都啱啱好撈晒成個意粉，唔會乾爭爭。$60大大份意粉，份量對女仔黎講夠曬飽肚，仲要有配野飲，性價比真係唔錯。煙三文魚牛角包($60)另外朋友仲叫咗一個煙三文魚牛角包，價錢同樣係＄60配一杯野飲。小食拼盤($78)大食嘅我地仲心思思想叫樣小食，揀咗好耐都唔知叫邊款好，最後就決定叫小食拼盤。小食拼盤一次過有雞翼，肉丸，薯餅同薯條，一次過滿足晒幾個願望，啱晒有選擇困難嘅我哈哈。Dreaming ($58)點餐嗰時店主推介左我飲啲杯新出嘅dreaming，睇圖嗰陣時已經覺得好靚，一上枱我同朋友真係話哇一聲，粉紅色漸變紫色，加上面層嘅忌廉同糖果裝飾，不得了，未飲個賣相已經贏咗一大截。唔好以為呢杯奶昔睇得唔飲得，飲
呢間cafe全間都係粉色系，幾乎每一個角落都係打卡位，充斥着少女心，仲有好多道具比姊妹們影相，呃like真係一流❤️
唔好以為呢間cafe得個樣呃得下人，其實食物質素都有好令人滿意，性價比好高！
蟹柳蟹籽意粉($60)
份量非常足料 蟹籽堆到成座山咁多，意粉軟硬度適中，配上嘅白汁好香奶味，醬汁亦都啱啱好撈晒成個意粉，唔會乾爭爭。
$60大大份意粉，份量對女仔黎講夠曬飽肚，仲要有配野飲，性價比真係唔錯。
煙三文魚牛角包($60)
另外朋友仲叫咗一個煙三文魚牛角包，價錢同樣係＄60配一杯野飲。
小食拼盤($78)
大食嘅我地仲心思思想叫樣小食，揀咗好耐都唔知叫邊款好，最後就決定叫小食拼盤。
小食拼盤一次過有雞翼，肉丸，薯餅同薯條，一次過滿足晒幾個願望，啱晒有選擇困難嘅我哈哈。
Dreaming ($58)
點餐嗰時店主推介左我飲啲杯新出嘅dreaming，睇圖嗰陣時已經覺得好靚，一上枱我同朋友真係話哇一聲，粉紅色漸變紫色，加上面層嘅忌廉同糖果裝飾，不得了，未飲個賣相已經贏咗一大截。
唔好以為呢杯奶昔睇得唔飲得，飲落好啱我口味。紫色同粉紅色分別係紫薯同士多啤梨奶，飲粒士多啤梨奶味比較出，而且唔係好假嘅士多啤梨，係意料之外嘅好飲😳❤️
唔好以為cafe收費一定好高，同旺角嘅樓上cafe相比，價錢平得多，份量同質素仲要好好多！(旺角cafe食物質素就唔講啦..)
兩位年輕店主仲好好傾同好細心!
原來有男士黎的話，份量會自動免費加底，大食嘅男士們一定唔怕食唔飽🤙🏿
當日重同朋友順便慶祝生日，影左好多好多靚相。如果想比個驚喜朋友慶祝下生日，花說真係一個好地方!
但大家去之前最好book定咁就包有粉紅枱坐
Post
