Video
Read full review
2017-07-30
2554 views
話說朋友一向都鍾意飲茶，逢星期六收工後，我地都會去試下唔同既酒樓 (試新餐廳係我地既興趣 😂)。今次就揀咗陶源，呢間其實之前已經係九龍灣分店食過一次，感覺係好正，點心蒸得好靚好乾身。抱住呢個心態，我地就試下尖沙咀分店。首先，我必須要讚下店員既服務，幫手上茶既姨姨真係好有禮貌又有耐性，非常感謝。就我個人而言，我係非常注重一間舖頭既顧客服務，因為呢個真係我對間餐廳既第一印象。食物做得唔好，可能係一次失手。但服務唔好，可以blacklist。但今次真係有少少失望，因為食物真係失手。蘿蔔糕賣相ok，但由於預先準備好，唔夠熱。味道係唔錯，但唔夠熱就真係嚴重扣分。之後仲有蝦餃燒賣，呢2個係我地每次必食既點心。咁佢地都係夠熱既，但蒸既時間過曬龍，皮唔夠乾身，完全被水蒸氣沾濕，非常失望。灌湯餃湯底味道太雜，太多材料反而食唔到味。個人認為灌湯餃既湯應該係清香而不膩，而且加上花膠同蟹柳有點格格不入。可幸的是，黑松露香菇包係好味而且形神俱備，挽回少少分數。麵包部份十分鬆軟，夠乾身，餡料的菇菌夠香味道岩岩好，真係食完都唔會覺得好滯。整體而言，我相信今次應該係失手。如果點心的火候可以控制得好d，咁都係ok既。今
首先，我必須要讚下店員既服務，幫手上茶既姨姨真係好有禮貌又有耐性，非常感謝。就我個人而言，我係非常注重一間舖頭既顧客服務，因為呢個真係我對間餐廳既第一印象。食物做得唔好，可能係一次失手。但服務唔好，可以blacklist。
但今次真係有少少失望，因為食物真係失手。蘿蔔糕賣相ok，但由於預先準備好，唔夠熱。味道係唔錯，但唔夠熱就真係嚴重扣分。之後仲有蝦餃燒賣，呢2個係我地每次必食既點心。咁佢地都係夠熱既，但蒸既時間過曬龍，皮唔夠乾身，完全被水蒸氣沾濕，非常失望。
灌湯餃湯底味道太雜，太多材料反而食唔到味。個人認為灌湯餃既湯應該係清香而不膩，而且加上花膠同蟹柳有點格格不入。
可幸的是，黑松露香菇包係好味而且形神俱備，挽回少少分數。麵包部份十分鬆軟，夠乾身，餡料的菇菌夠香味道岩岩好，真係食完都唔會覺得好滯。
整體而言，我相信今次應該係失手。如果點心的火候可以控制得好d，咁都係ok既。今次就真係差咗少少。
Post
