Video
Read full review
2009-06-26
18 views
係呢度見到食評話呢間餐廳氣氛好好, 決定去試下~ 星期二打電話去book, 我同佢講話有兩個人都係六月生日 (我地Total五個人), 我問佢咁係咪送兩個蛋糕, 佢話送既蛋糕會係大個D同埋會寫住兩個名, 跟住收左線…我諗諗o下唔對路, 因為一個係我老公, 一個係我個 friend, 佢地又唔係一Pair, 我就再打電話去問可唔可以分開比兩個蛋糕, 接電話個男人話OK, 我就好放心咁BOOK左. 去到, 見D set 其實都幾貴, 最平個餐係3 個 Appetizer, 1個Main, 1個Dessert咁, $196, 我地主要都叫左JADE果個餐, 2 個 Appetizer, 1個SUMBA recommendation, 1個Main, 1個Dessert, $214, 未計加一. D野黎到, 好細碟…我有兩個男仔Friend好大食, 我都覺得幾唔好意思…我知佢地一定會食唔飽…咁D野食既味道不過不失啦, 可能小食多滋味啦, 最唔好食係其中一個SUMBA recommendation, 煎蠔, 勁腥, 仲有個龍蝦湯好難飲, 無蝦味, 都唔知咩味, 好怪,個菠菜cream soup
去到, 見D set 其實都幾貴, 最平個餐係3 個 Appetizer, 1個Main, 1個Dessert咁, $196, 我地主要都叫左JADE果個餐, 2 個 Appetizer, 1個SUMBA recommendation, 1個Main, 1個Dessert, $214, 未計加一.
D野黎到, 好細碟…我有兩個男仔Friend好大食, 我都覺得幾唔好意思…我知佢地一定會食唔飽…咁D野食既味道不過不失啦, 可能小食多滋味啦, 最唔好食係其中一個SUMBA recommendation, 煎蠔, 勁腥, 仲有個龍蝦湯好難飲, 無蝦味, 都唔知咩味, 好怪,個菠菜cream soup 好飲好多!
連Main dish都係好細碟, 咁食完main dish 之後, 我見有得整朱古力, 就問個 waitress, 係唔係可以自己埋去整, 點知佢叫我地唔好整住, 話就快出甜品喎, 其實我唔係好明出甜品同我去整朱古力有咩關係, 不過佢咁講, 我地就無去整…
到火焰蛋糕出場既時間! 竟然係一個蛋糕…寫住兩個名…我無出聲呀, 費時另到生日既朋友唔高興, 不過我覺得幾嬲囉, o係電話度明明應承左我分開兩個蛋糕, 卒之都係一個, 如果唔可以分兩個咪老實o係電話度拒絕我囉, 洗唔洗呃我呀, 唔知係咪生意差, 驚我地唔黎呢 (我見個場都坐唔滿) 但係我最憎D人講過唔算數囉!
Waitress 點火焰時失了手…點第一次唔著, 跟住換過第二杯酒精先OK, 個火焰蛋糕好好味~ J 係雪糕蛋糕, 外層係蛋白~
講返餐廳既氣氛, 成晚真係不斷聽到生日歌, 至於咁樣係咪好氣氛, 就見仁見智喇, 因為我聽第一二次都覺得”幾有氣氛喎” 聽第三四五六次之後就覺得 TOO MUCH 啦…
埋單每人大約 230~ 我地下次都未必會再黎~ 最唔開心係比人呃, 唔係話想貪佢個蛋糕, 如果第二次我打電話去問佢都話唔可以分開兩個蛋糕, 我都唔會 LUR 佢囉, 但我有保留選擇第二間餐廳既權利丫嘛. 我唔知係咪我同餐廳職員溝通有問題.
Post