Video
Read full review
2017-05-25
587 views
Join咗King Parrot咁多年，第一次嚟西灣食嘢，一於試下呢間！一來係平日，我地又早，行到去門口仲以為未開門，但原來都已經有一枱人食緊嘢。我地六點鐘就坐低，環境都算係咁啦！我幾鍾意高咗少少嘅卡位，地方都幾夠空間感，因為有少少餓，所以見到樣樣都想食，結果參考咗尐食評就決定留肚試2味甜品。叫咗：橘子乳酪串燒 (King Parrot嘅美食贈券)鮮魷雜菜海鮮飯炸蕉+椰子雪葩芒果糯米金寶一睇就知我今晚情迷海鮮啦！不過的確有少少失望。。。先講講杯杯乳酪飲品先，我就覺得一般，好稀偏淡，不過人地話全餐嚟講佢算好囉喎。。。本來我仲諗住好飲就試多杯椰子乳酪架嘛！第一味嚟嘅就係鮮魷雜菜，我即刻叉咗塊椰菜放入口，放心，我冇辣親口，因為唔熱嘅，仲好硬淨添，之後再叉甜豆，都係偏生，而且只係暖暖地。雖然呢尐蔬菜都係可以生食嘅，但係真係咬到牙骹有尐攰。鮮魷都唔錯啦！再嚟就係碟海鮮飯，賣相幾好，最令我覺得窩心就係佢有個隔熱膠喺個手柄度。一般侍應只會講句小心熱，而佢地仲好細心咁照顧你嘅玉手，唔錯！其實飯太乾，如果椰汁多少少會好尐。不過海鮮都算係咁，蝦唔會太老，部分蝦殼脆卜卜可以食埋。整體都算好啦！然後就係送嘅串
一來係平日，我地又早，行到去門口仲以為未開門，但原來都已經有一枱人食緊嘢。我地六點鐘就坐低，環境都算係咁啦！我幾鍾意高咗少少嘅卡位，地方都幾夠空間感，因為有少少餓，所以見到樣樣都想食，結果參考咗尐食評就決定留肚試2味甜品。
叫咗：
橘子乳酪
串燒 (King Parrot嘅美食贈券)
鮮魷雜菜
海鮮飯
炸蕉+椰子雪葩
芒果糯米金寶
一睇就知我今晚情迷海鮮啦！不過的確有少少失望。。。
先講講杯杯乳酪飲品先，我就覺得一般，好稀偏淡，不過人地話全餐嚟講佢算好囉喎。。。本來我仲諗住好飲就試多杯椰子乳酪架嘛！
橘子乳酪
$46
20 views
0 likes
0 comments
第一味嚟嘅就係鮮魷雜菜，我即刻叉咗塊椰菜放入口，放心，我冇辣親口，因為唔熱嘅，仲好硬淨添，之後再叉甜豆，都係偏生，而且只係暖暖地。雖然呢尐蔬菜都係可以生食嘅，但係真係咬到牙骹有尐攰。鮮魷都唔錯啦！
鮮魷雜菜 (咁上下啦 ^^; )
$65
27 views
0 likes
0 comments
再嚟就係碟海鮮飯，賣相幾好，最令我覺得窩心就係佢有個隔熱膠喺個手柄度。一般侍應只會講句小心熱，而佢地仲好細心咁照顧你嘅玉手，唔錯！其實飯太乾，如果椰汁多少少會好尐。不過海鮮都算係咁，蝦唔會太老，部分蝦殼脆卜卜可以食埋。整體都算好啦！
Spicy Coconut Seafood Borth
$160
21 views
0 likes
0 comments
然後就係送嘅串燒，侍應放低都冇講係咩肉，好彩冇牛，因為我唔食嘅。個醬不過不失，肉質就麻麻，有少少唔知自己食緊咩肉。味道一般，其實只係食到調味料嘅味。
炭燒雞肉豬肉串
$70
9 views
0 likes
0 comments
食到咁上下，都半飽，冇帶食物盒添，希望甜品肚運作正常。
於是，叫咗起甜品後首先到場嘅就係炸蕉(banana fritters)，佢賣相。。。怪怪地。不過個雪葩又好似幾吸引，未影相就叉咗埋去試。雖然淡淡地，但椰香味都重，只係有少少太散。(其實佢應該係用羹食就唔會咁掛xd)
Banana Fritters with Coconut Sorbet
$65
29 views
0 likes
0 comments
如果係中式嘅炸蕉(拔絲香蕉)都要加糖先剛剛好，西式都好多時有icing sugar同雪糕配搭，呢味炸蕉竟然配淡味雪葩，然後佢本身條炸蕉係超甜架！食得甜嘅應該幾鍾意佢，而且切開佢都冇出現炸皮同蕉分開嘅情況。
切開後既炸蕉
16 views
0 likes
0 comments
呢餐最好應該係佢！
最後，食泰式fusion菜要試嘅芒果糯米crumble喇！可惜。。。冇椰汁真係好失色。
Coconut, Mango Sticky Rice Crumble
$60
28 views
0 likes
0 comments
人地仲話，都係要有黑糯米先好味，跟住佢就話好飽。。。都話架啦！甜品質素直接影響甜品肚嘅運作。。。一個字：太甜！我好似食多咗半個碟頭飯嘅感覺。
總結，應該唔會再去。。。
Spicy Coconut Seafood Borth
9 views
0 likes
0 comments
Other Info. :
佢推介嘅父親節餐，全部都係西式菜，只有蔬菜有些少亞洲菜色彩。就連甜品都竟然係。。。brownies喎 xd
備註：
其實今餐除左有美食贈券之外，仲用左85折會員優惠，再用埋250蚊現金+優惠券，實際兩個人只係俾左130蚊度，食到咁飽先每人65蚊，感覺好抵！
至於衛生方面，本來唔覺有咩問題，不過食到中途，有隻野係食物上面飛來飛去，所以扣左佢分。
(The above review is the personal opinion of a user which does not represent OpenRice's point of view.)
Post
