八方雲集鍋貼水餃專門店

Open Now

Now Closed

見呢度新開左一間八方雲集，夜晚決定呢度試吓。啲服務員好似好忙咁，企咗喺個counter接近15分鐘，都未有人嚟幫我落單。終於有個煮緊嘢嘅哥哥嚟問我食乜，我叫咗一個10號餐，有麵線，五隻鍋貼，同埋一杯豆漿，總共係$41。落咗單之後呢，就俾咗個號碼牌我，咁我就拎住個牌去搵位坐喇，因為新開，啲座位都算企理，啲醬料好齊，每張枱都有醋，有辣椒，有胡椒粉。冇幾耐就有人送嘢食過嚟，個麵線味道一般般，基本上湯有啲鹹之外就冇乜味，就算落多啲醋，味道都係麻麻，配料有豬大腸，貢丸等等。鍋貼就唔錯，唔會煎得太燶，咬落都有啲肉汁，再點啲豆瓣醬，都幾香口。