蘇記粥麵家 (Closed)

其實土瓜灣落山道有另一間蘇記,但論出品,始終覺得呢間好d,大概是情意結的關係吧,讀書時期,每逢走堂拍拖,最鐘意先同女朋友食碗麵先行街,想不到咁多年來,店舖依然存在.豬心牛肉粥 : 粥底是夠綿,但睇唔到開花米粒,實在有點失望,呻一口粥,多年來都是有師傅在內,豬心跟牛肉份量不多,各三至四舊,同生記,新興棧等足料粥是有一段距離.好彩豬心時間掌握得好,咬落去爽脆,而牛肉醃得唔算太過份,嗱得夠淋但又唔係無肉味,用另一個碗開點古月粉豉油蘸點牛肉食,又好似咸左d,雙併作價$19,又不能太多要求,不過不失吧.