Video
Read full review
2024-11-07
276 views
點解呢間《大丸ラーメン》會慢慢成為人氣排隊店，可能因為佢標榜“無化調”。無化調意思即係店家冇用任何化學調味，即係俗稱：味精 (MSG)。冇左化學調味，最大嘅挑戰係所有嘅旨味（うまみ umami）係來自食材本身，包括調味料，呢吓真係要比個 like 佢啦。《蝦丸🦐🍜》香味 (4/5) - 香味相當充足，不過都係嗰句，因為有櫻花蝦干，味道好鬼霸道，所以只能聞到櫻花蝦味，但算相當好聞。湯 (4/5) - 雖然話個香味比櫻花蝦味霸左，但飲落個湯，蝦味同個豚骨湯嘅味道係算平衡架喎，肉味同蔬菜味都算有，幾好飲！麵條 (4/5) - 佢比食客自己揀細麵定太麵，我就揀左太麵。看似佢又唔係真係太麵咁粗，似中太麵啦，少綣曲，麵嘅味道同咬口都相當好！配料 (3.5/5) - 既然叫得做《蝦丸🦐🍜》，蝦就當然係主角啦。蝦嘅部分只係用左櫻花蝦干，冇比隻鮮蝦，以佢個價錢定位我認為還可接受。豬叉燒就一般啦。首先佢嘅叉燒都頗薄，夾唔起，一夾就散散地，要夾起影相唔多可行。不過都有一塊係結實d嘅。肉味就一般啦。溏心蛋算幾好，蛋味香，夠入味，生熟度非常之理想，不過得半隻唔夠皮。木耳絲正常水準。見到店家好有心，有提示佢地有昆
冇左化學調味，最大嘅挑戰係所有嘅旨味（うまみ umami）係來自食材本身，包括調味料，呢吓真係要比個 like 佢啦。《蝦丸🦐🍜》
蝦丸🦐🍜
$98
0 views
0 likes
0 comments
湯 (4/5) - 雖然話個香味比櫻花蝦味霸左，但飲落個湯，蝦味同個豚骨湯嘅味道係算平衡架喎，肉味同蔬菜味都算有，幾好飲！
麵條 (4/5) - 佢比食客自己揀細麵定太麵，我就揀左太麵。看似佢又唔係真係太麵咁粗，似中太麵啦，少綣曲，麵嘅味道同咬口都相當好！
配料 (3.5/5) - 既然叫得做《蝦丸🦐🍜》，蝦就當然係主角啦。蝦嘅部分只係用左櫻花蝦干，冇比隻鮮蝦，以佢個價錢定位我認為還可接受。
豬叉燒就一般啦。首先佢嘅叉燒都頗薄，夾唔起，一夾就散散地，要夾起影相唔多可行。不過都有一塊係結實d嘅。肉味就一般啦。
溏心蛋算幾好，蛋味香，夠入味，生熟度非常之理想，不過得半隻唔夠皮。
木耳絲正常水準。
見到店家好有心，有提示佢地有昆布醋，可以食到後段加少少提升個湯嘅層次，職員（都幾靚女👩）都有溫馨地提醒我唔好一次過加太多，要著少加同試味，呢個溫馨提示令我覺得好窩心。加完醋之後，豚骨味更出，我認為係有加分。
整體 - 值得推薦 👍👍👍👍
Other Info. :
順帶一提，今次係我第二次探店，第一次我食貝丸塩味拉麵，當時我覺得係過鹹，今次就冇呢個問題。我估計原因有兩個，一，可能上次個廚重手左，二，食拉麵，特別係濃味嘅拉麵，食麵之前要摷一摷d麵，撈一撈，攪勻先食。就好以一個好有名嘅Youtuber大島San食麵之前，我留意到佢次次都摷散d麵，我以前唔會咁做，因為摷散個賣相唔靚仔，但原來係有原因的，有唔少調料沉左响個底，摷一摷反而會令個味道更平均，呢吓大家要注意下啦！
(The above review is the personal opinion of a user which does not represent OpenRice's point of view.)
Post
