麥當勞

Open Now

Now Closed

M記近年出特別口味新地筒出得好密，不過好多都係試過就算，甚至係令人失望。大多數原因係M記雪糕嘅甜味太搶，唔係隻隻味都同佢夾。就好似綠茶雪糕咁，不論杯雪糕調較到茶味幾濃，M記雪糕隻甜味依然咁出，同我哋期望嘅奶綠嗰種淡淡茶香有好大出入，綠茶同雪糕兩隻味各自為政，完全唔match......而阿華田味嘅新地筒就好match。本身華田就獨特在麥香，平時喺茶記飲華田唔落糖，冇甜味都可以飲得好滋味，加咗煉奶一樣好飲。呢杯雪糕就好似加煉奶嘅華田咁，唔會一食就覺得係原味M記雪糕加香料，而係覺得佢係「一杯雪糕」。