TRIBES

Open Now

Now Closed

喺尖沙咀食中東菜當然無難度啦，但要環境舒適、食物好食就唔係好多間啦。早排去咗呢間餐廳就覺得好值得推介一下。平時嘅中東餐廳都比較夾攝但呢度環境舒適，每張檯嘅距離都足夠，慢慢享受都唔怕比人趕走haha嚟呢間餐廳有樣嘢需要注意！！！就係餐牌嘅食物可能要店員幫忙介紹一下，因為有好多餸菜都唔太熟識，而店員又好好咁會介紹比我哋聽。•Chapli kebab🥠•-去過土耳其嘅朋友對呢款烤肉應該唔陌生，係當地嘅地道食物。混入各種特色香料醃製，加入蔬菜煎香。味道較濃，帶有少少辛辣感，未試過嘅朋友可以試下～•Chicken Karahi🐔•-鐵鍋炒雞嘅份量十足，每件雞件都好大舊，老闆真係好好廚師利用簡單配料同印度香料炒成嘅雞肉，充滿薑葱同番茄嘅香味，而且一啲都唔膩我覺得最可惜嘅係冇配飯食，因為醬汁真係好好餸飯！•Garlic nann🌮•-呢度所有嘅食物都好似巨大化咁，就連nann都半張檯咁大件！無論點薄荷醬或者辣醬都好味，而且十分鬆軟。