五嫂石磨腸粉

Open Now

Now Closed

返工前特登嚟試下，點知人數已不少。見到前面有十零個人，諗住十零分鐘都應該等到啦！點知原來可以電話落單,前面原來仲有十幾廿份，足足等咗半個鐘頭先攞到我要嘅雞蛋瘦肉腸。舖頭隔離有石磨，磨完即刻倒過去整，雖然粉皮是有米香，但用料嘅雞蛋同瘦肉失色，瘦肉太碎根本冇咬口，雞蛋求其打落去撈唔得均勻又沒蛋香。另外值得讚嘅係嗰個汁唔會太鹹又夠香。雖然有米香但係配料配合得一般，口感同一般腸粉有dd唔同， 但未算很特別 ，當然價錢也算公道。 絕對唔值用半個鐘頭時間去等，如果經過唔使排太耐隊，我覺得都可以試試！