意八餐廳 (Closed)

過開黎沙田同朋友house warming，一個人係附近打個底先上去。廢時餓親。行匀全場，睇落最市正就係呢間又有人等位，就食呢間。好少見西餐廳午餐都有咁多選擇，連日式拉麵都有。羅宋湯: 跟餐既，好少見羅宋湯裏頭d蔬菜係打到碎晒既，但係咁，我反而覺得幾好飲，味道更加濃。大大碗，我都飲晒既。蛋黃煙肉卡邦尼長通粉 $50: 同我地平時食既卡邦尼係兩回事，雖然都有煙肉同意粉，但就食唔出有蛋香同芝士味，d汁似湯，完全唔可以掛係長通粉上。不過公平d，敞除佢唔似係卡邦尼之外，其實都好食既，當佢係一個上湯長通粉黎食，味道都幾好，夠味又足料。係一個屋村商場食野又以呢個價錢，不能要求太高。都算唔錯。