椰粉湯紅 (Closed)

喺灣仔放工後黎左「椰粉湯紅」買晚飯翻屋企食，我叫左特式套餐三嘅椰香海南雞配椰香飯，再加左皇牌菜芯苗同食療拿杯湯，總共$77。個海南雞好滑，幾好食。冇乜肥膏所以食落唔油膩，但係又唔會鞋。佢起左骨，所以食落好方便，點啲醬就有清淡嘅椰子味。至於個飯，佢唔係全白米，所以冇咁肥，仲有少少椰香味，又好食又健康。個菜芯苗就差左少少，因為唔係好嫩，同仲有留住啲黃花，不過都煮得啱啱好。至於杯湯呢，好方便咁用類似咖啡店takeaway 咁裝住，飲嗰陣好乾淨同方便。佢每個禮拜都會轉湯，我冇留意嗰次係乜，不過我估係菌類嘅湯，同我幾肯定係素湯，因為。係。一。滴。油。都。冇！雖然冇落肉，但估佢落左幾種菇所以好有層次同好純嘅感覺，同係完全唔肥膩，好啱夏天飲。總括而言，我覺得椰粉湯紅係好啱都市人享用，一黎佢標榜毫無味精，二黎我覺得佢係多菜少肉，三黎食得方便乾淨。所以我覺得好啱喺灣仔食lunch或者放工後買翻屋企食，又健康又好食😀。