新蒸武門 (Closed)

出街食飯好多時都係食埋d多鹽多油既食物，要食得健康一d都唔易，前兩日放工響觀塘搵地方食飯，同事介紹一問響駱駝漆大廈既“新蒸武門”，餐廳主打蒸品小菜，少鹽少油，唔重口味，有屋企飯既感覺。有散點小菜亦有套餐，我地兩個點左一個二人套餐，四百幾蚊已經有三餸一湯加白飯，兩個人享用已經非常足夠。首先每人一盅燉湯，白菜乾老雞燉花膠，燉湯十分足料，滿滿既花膠及菜乾，湯清得離好味，同媽媽靚湯有得fight。土魷蓮藕煎肉餅，一碟有八塊，每塊表面煎得金香，土魷加蓮藕有不同口感，配白飯一流。第二碟係籠仔蒸龍躉腩，粉絲、豆腐卜一齊蒸，龍躉肉汁被粉絲同豆腐卜索晒，非常口味，而且龍躉肉非常多，啖啖魚肉，新鮮有咬口又好味。最後離個蔬菜類，北菇扒西蘭花，大大粒冬菇，肉厚好味，加埋蠔油芡汁，絕對好味。仲有每人一杯八寶菜，食飽消化下啱曬。