凱芸軒 (Closed)

冒著危險試新嘢，因為呢間網上嘅食評唔係好多， 又冇人介紹過佢嘅晚飯小菜， 連佢個網站都冇中菜嘅餐牌。 當晚唔係好多人，環境寧靜。雖然人唔多，但侍應好有禮貌，好好笑容。 鰹魚汁鮮鮑魚 $188鮑魚夠彈牙，底下有一啲半透明河粉，好滑。 黃金豆腐 $78炸得好香口，豆腐又好滑，味道好夠。 波士頓龍蝦二食 $4681. 百花釀蝦鉗蟹鉗就食得多，蝦鉗都係第一次食， 都幾特別啲蝦都好彈牙。2. 拉絲芝士焗蝦身龍蝦啲肉都算新鮮，唔會霉， 個芝士就鹹咗少少。 少爺茶燻雞 半隻$250隻雞好嫩滑，即使係雞胸嘅部分都唔覺得好韌， 皮好滑，除咗皮有茶香味之外，肉都一樣有陣濃濃嘅茶香味，所以肉汁係好豐富嘅。 蝦頭油叉燒菜粒意形米 $68 呢個我以為食緊飯，原來一粒一粒係意粉嚟 (侍應同我地講)，口感好得意，特別到忽略咗其他配料嘅味道。