緬甸招牌湯米線 (Closed)

今晚同朋友去左食香港非常少見的緬甸菜。我地叫左幾個招牌菜包括:Mohinga 鮮魚濃湯米線 -以魚肉、雞肉、先以黃薑粉炒，然後混入豌豆粉等配料湯底， 香味吸引，湯底味道濃郁又特別, 米線係地道緬甸米線，較一般米線幼身，掛汁又爽彈，配菜豐富，有脆口嘅緬甸特產碗豆餅炸豆餅同魚片，鍾意食辣嘅朋友仲可以加緬甸辣粉。曼德勒鮮茄滋味撈麵 -自製茄醬，配埋緬甸風味嘅肉碎，味道清甜，撈麵入口有彈性，加上辣椒粉同炸蒜紅葱油，拌勻來食非常香口開胃。緬甸黃薑脆脆雞翼 - 外皮非常香脆可口，雞翼肉質嫩滑多汁。緬甸家鄉手抓餅 - 手抓餅酥鬆金黄，層次分明，跟配的咖哩，無平時既咖哩咁竦，香味獨特。椰香飯 - 朋友另外叫左個椰香飯拌手抓餅跟配的咖哩，清香的椰子味配上濃郁的咖哩，感覺不俗。緬甸黃薑蜜特飲- 薑味濃。青檸蜜瓜椰果特飲- 味道較清，解渴。