Video
Read full review
2024-10-20
626 views
尖東海旁永安廣場地下有一整排酒吧餐廳，平日晚市都相當爆場，無論室外定室內都一樣人才濟濟😎今晚同同事揀咗呢間新開嘅Mamtom ，餐廳裝潢極富藝術感，天花掛滿黃澄澄柔和燈泡同埋木船槳，有其中一面牆仲係用皮帶做裝飾，帶點工業風設計😎相當型格Mamtom 係主打泰越cross-over 嘅新派美食，你可以喺每一款經典菜式中搵到新派Crossover元素😚😚我哋今次就嗌咗幾款店長推介嘅招牌菜🤩Pho Bo Waygu + bone marrow 慢煮24小時牛肉高湯完全係整道菜嘅精華所在，牛肉味相當濃郁可口，牛肉方面就用咗兩個部位，分別係肩腩同牛西冷，薄切牛肉片加埋嗦哂牛肉湯嘅河粉一齊食超級滋味😋😋仲可以加配原條烤牛骨髓，令整體味道口感更昇華DIY平時食開嘅米紙卷已經包好哂嘅，今次就可以自己DIY，材料都幾豐富，有香甜嘅菠蘿🍍、爽脆青瓜🥒、生菜🥬同灑滿花生碎嘅米粉卷，用米紙包住自製個人化口味，小妹建議仲可以包住牛扒🥩一齊食添😌Morning Glory 蒜蓉🧄辣椒炒通菜，鹹香味濃郁微辣，通菜相當爽口惹味🤤🤤Prime Rib Eye牛扒🥩煎至medium 熟度，上枱嘅時候主廚已經幫手切成一件件
今晚同同事揀咗呢間新開嘅Mamtom ，餐廳裝潢極富藝術感，天花掛滿黃澄澄柔和燈泡同埋木船槳，有其中一面牆仲係用皮帶做裝飾，帶點工業風設計😎相當型格
Mamtom 係主打泰越cross-over 嘅新派美食，你可以喺每一款經典菜式中搵到新派Crossover元素😚😚我哋今次就嗌咗幾款店長推介嘅招牌菜🤩
Pho Bo Waygu + bone marrow
慢煮24小時牛肉高湯完全係整道菜嘅精華所在，牛肉味相當濃郁可口，牛肉方面就用咗兩個部位，分別係肩腩同牛西冷，薄切牛肉片加埋嗦哂牛肉湯嘅河粉一齊食超級滋味😋😋仲可以加配原條烤牛骨髓，令整體味道口感更昇華
DIY
平時食開嘅米紙卷已經包好哂嘅，今次就可以自己DIY，材料都幾豐富，有香甜嘅菠蘿🍍、爽脆青瓜🥒、生菜🥬同灑滿花生碎嘅米粉卷，用米紙包住自製個人化口味，小妹建議仲可以包住牛扒🥩一齊食添😌
Morning Glory
蒜蓉🧄辣椒炒通菜，鹹香味濃郁微辣，通菜相當爽口惹味🤤🤤
Prime Rib Eye
牛扒🥩煎至medium 熟度，上枱嘅時候主廚已經幫手切成一件件，你可以睇到外面已經煎到焦糖色，入面仲係粉嫩軟稔，沾上秘製醬汁-骨水牛油豆蔻油同埋鯷魚菠蘿🍍醬，鹹鹹地又可增添風味
Durian sticky rice and coconut sundae
大推哩款甜品俾榴槤愛好者🥰🥰首先面頭有一大球榴槤雪糕，入邊仲食到一絲絲嘅榴槤肉，相當足料，絕不欺場，中層喺椰香十足嘅椰子新地雪糕，底層就係軟糯糯米飯🍚三者一拼放入口仲有多重口感，以此甜品作結💯💯
Post
