北海道爐端燒 (Closed)

朋友話想食爐端燒～上網見呢間都幾多人介紹～所以就book咗嚟呢間食～位於尖沙咀捷利商業大廈，非常方便～環境裝修好日式居酒屋咁～用餐時間係一個半鐘，一開頭仲怕唔夠時間食添喎～所以我哋就好快就揀好落單～食物都幾快到～首先嚟嘅係 香酥雞軟骨任何有雞軟骨嘅地方，我都一定會叫嘅～呢度緊係唔例外啦，炸到金黃色，味道唔錯～份量都幾多，啱啱坐低食呢個無得輸啦～日式雞蛋粥同我想像嘅唔一樣，原本以為只係得蛋花～但原來除咗蛋花之外，裏面仲充滿一粒粒八爪魚～好味得嚟又好有口感，好鐘意呢個雞蛋粥啊～香味醬油燒鱈場蟹賣相好吸引啊～蟹肉算多，微微焦味令到蟹味更加凸出～店員細心剪好一邊蟹殼～我哋淨係用筷子”new”啲蟹肉出嚟食就得～浜燒三色蟹蓋海膽好好味～我首先食晒啲海膽先～之後再將蟹肉同蟹膏同三文魚籽撈埋一齊食～每一啖都被濃濃嘅蟹膏同蟹包圍住，好邪惡呀～好想叫碗白飯嚟送呢個蟹蓋啊～牡丹蝦刺身好鮮，好好味啊～食完啲蝦味仲停留喺味蕾之中～最後我哋再叫咗個 甜瓜冰淇淋小丸子一齊share雖然同menu上個樣有啲出入～亦比較大杯～兩個人share就啱啱好～雪糕係蜜瓜味，仲有四粒大褔喺入面，非常有趣～好滿足嘅一餐啊～味道唔錯