潮丸 (Closed)

有時人想快快手手解決一餐，行入間睇落裝修幾骨緻嘅潮式粉麵舖，呢個地段加唔錯嗁裝修，入去都驚價錢貴，原來食落都唔係。入去嗰陣店員好快幫我落單，我叫左下午茶Menu最上面嘅招牌牛三鮮飯（餐牌價$52，八折後$42），再搭杯熱檸蜜，唔洗額外加錢。牛腩同牛筋都算炆得幾冧、牛肚入味，蘿蔔清甜，仲有腩汁淋上飯到，正。乍眼睇以為份量唔多，但食落都算飽肚。最後埋單睇返先知下午茶再八折，其實以尖沙咀嚟講都算幾抵食，下次都可以試下粉麵。