Video
Read full review
2009-06-21
6 views
星期五難得同夫人可以準時收工，決定走返轉平時少去既尖咀食飯~入到去仲係好早~6.15PM~全間舖得我地兩個人所以服務都好好。裝飾好特別，入面有好多相信係7/80年代既復刻電影海報而且佢地播既歌都係好FULL PACKAGE咁懷舊卡通片歌~當然，我係一個好現實既人~甚少俾錢食環境，睇左一陣就決定左1. 八王子沙律2. 手打牛肉烏冬3. 漢堡扒4. 燒飯糰 + 明太子飯糰沙律 - 食材新鮮，不過份量可以多返少少就好喇~一係就索性唔好俾咁多蔬菜我，感覺上好似唔夠足料。(因為同一價錢係太古城既山頭火係好大盤~!!!!)牛肉烏冬 - 老實話，家陣好多都自稱手打烏冬，黎到呢間都係一樣，真係食唔出同普通烏冬有咩分別~~不過，個牛肉又幾好味~好滑，雖然肉味唔算好香不過肉既質地可以令我唔計較。而且佢個湯唔算太濃，唔會令到食完碗烏冬已經「郎」到食唔落其他野~漢堡扒- 呢個完全唔EXPECT會有咩驚喜既扒，唉也~~估唔到咁濃肉味。把刀一落既時候肉汁都跟住佢係咁流出黎，食落口既時候唔會好似其他餐廳咁食到「碎濕濕」既肉~好足料! 好味道飯糰 - 飽肚之物，無理由會出事/ 超級驚喜既食物，SKIP~合理既價錢，得
入到去仲係好早~6.15PM~全間舖得我地兩個人所以服務都好好。裝飾好特別，入面有好多相信係7/80年代既復刻電影海報而且佢地播既歌都係好FULL PACKAGE咁懷舊卡通片歌~當然，我係一個好現實既人~甚少俾錢食環境，睇左一陣就決定左
1. 八王子沙律
2. 手打牛肉烏冬
3. 漢堡扒
4. 燒飯糰 + 明太子飯糰
沙律 - 食材新鮮，不過份量可以多返少少就好喇~一係就索性唔好俾咁多蔬菜我，感覺上好似唔夠足料。(因為同一價錢係太古城既山頭火係好大盤~!!!!)
牛肉烏冬 - 老實話，家陣好多都自稱手打烏冬，黎到呢間都係一樣，真係食唔出同普通烏冬有咩分別~~不過，個牛肉又幾好味~好滑，雖然肉味唔算好香不過肉既質地可以令我唔計較。而且佢個湯唔算太濃，唔會令到食完碗烏冬已經「郎」到食唔落其他野~
漢堡扒- 呢個完全唔EXPECT會有咩驚喜既扒，唉也~~估唔到咁濃肉味。把刀一落既時候肉汁都跟住佢係咁流出黎，食落口既時候唔會好似其他餐廳咁食到「碎濕濕」既肉~好足料! 好味道
飯糰 - 飽肚之物，無理由會出事/ 超級驚喜既食物，SKIP~
合理既價錢，得到比合理更好既食物~大家去開尖咀食飯可以諗諗。
Post
