Video
Read full review
2017-06-20
109 views
之前同frd食過呢間日本野覺得幾得，所以今次就帶埋全家黎再食過。地點方面其實都算幾就腳，係k11行五分鐘倒就到。去到後員工安排我地坐係一個卡位，個位坐6個人都唔會逼，而我地得4個所以就更加坐得鬆動。跟住呢度落單其實係用部tablet嘅，有啲似海底撈咁果隻，好處係唔使成日舉手叫人serve，又唔使驚漏單。好入正題講返野食先!呢度野食選擇都幾豐富，你講得出嘅日本放題野基本上都有，刺身、壽司、小食、炸物、蔬菜、甜品...諗返都覺得飽哈哈 XD 因為我地有4人嘅關係，所以一落完單冇耐佢地就送上一條活魚刺身，條魚送上枱果下仲識郁，堅係活魚刺身。可能真係因為新鮮，個刺身幾甜同爽，唔使點豉油個味道已經好出，連我一向唔太好魚生嘅兩老都有keep住食。另外佢仲送左隻好大嘅刺身壽司船，上面仲有板海膽。佢板海膽海水味唔濃，但可以食到海膽個原味，唔會話有果種令人怕怕嘅腥味，以免費黎講真係算幾ok。所以第一輪落單可以唔好叫得太多壽司住，如果唔係就好易點得太多，浪費食物就唔好。刺身方面我地叫左最大路嘅三文魚、北寄貝、帶子同甜蝦。三文魚切得算厚身，冇因為放題就偷工減料，幾好食。另外佢啲小食份量細細份，可以過口癮又唔
地點方面其實都算幾就腳，係k11行五分鐘倒就到。去到後員工安排我地坐係一個卡位，個位坐6個人都唔會逼，而我地得4個所以就更加坐得鬆動。跟住呢度落單其實係用部tablet嘅，有啲似海底撈咁果隻，好處係唔使成日舉手叫人serve，又唔使驚漏單。
好入正題講返野食先!呢度野食選擇都幾豐富，你講得出嘅日本放題野基本上都有，刺身、壽司、小食、炸物、蔬菜、甜品...諗返都覺得飽哈哈 XD 因為我地有4人嘅關係，所以一落完單冇耐佢地就送上一條活魚刺身，條魚送上枱果下仲識郁，堅係活魚刺身。可能真係因為新鮮，個刺身幾甜同爽，唔使點豉油個味道已經好出，連我一向唔太好魚生嘅兩老都有keep住食。另外佢仲送左隻好大嘅刺身壽司船，上面仲有板海膽。佢板海膽海水味唔濃，但可以食到海膽個原味，唔會話有果種令人怕怕嘅腥味，以免費黎講真係算幾ok。所以第一輪落單可以唔好叫得太多壽司住，如果唔係就好易點得太多，浪費食物就唔好。
刺身方面我地叫左最大路嘅三文魚、北寄貝、帶子同甜蝦。三文魚切得算厚身，冇因為放題就偷工減料，幾好食。另外佢啲小食份量細細份，可以過口癮又唔會太消耗戰鬥力。燒物我會非常推薦食佢個雞泡魚干，輕輕一燒已經好香口好好食，我地追加左幾次添，其他牛、羊、豬質素都唔錯。壽司就正正常常，而個火炙牛係比較好食的。當你食到最後(飽到上心口之際)，就到甜品時間，呢度係用movenpick嫁!!!個朱古力味好好食，所以就算好飽都忍唔住食哂。overall以二百幾蚊每位呢個放題冇得輸嘅，比坊間好多放題都做得好，遲啲都應該會再返黎食。
Post
