立体派拉麵 (棉登徑) (Closed)

話說響中環成日幫襯嘅立体派響尖咀開咗分店，開響俾我稱為yaki街嘅棉登徑之中（因為果條街有成半都係啲日本燒乜燒物店哈哈）旺中帶靜唔會話成條街都塞哂人咁除此之外佢地仲新出咗個黃金味噌拉麵，呢款拉麵其實係立体派主理人林隆臣響日本獲獎無數嘅名作，其精髓當然係個味噌湯，最初見到中間嗰堆紅色豬肉以為會好辣，但係食起上嚟反而係甜甜地，同時又帶點蒜香同醬油香，連我呢個唔食得辣嘅都覺得好正另外仲有個好似福袋咁嘅名為巾着嘅腐皮包包，平時呢類包包麵係夾年糕做餡，而佢就變成夾粉絲蒟蒻同鹹味調味，成件事好新奇同時有好夾，當然隨麵附送上嘅慢煮叉燒依然係超好食啦除咗個味噌夠浮誇之外，連佢出餐時都好浮誇，為咗今次呢個黃金味噌拉麵，店家特別引入懷舊出前箱，即係我哋細個睇卡通片成日見到外賣拉麵嗰個鐵箱，而家連響日本都近乎沒落，竟然響香港見到真心驚喜，記得叫個黃金味噌拉麵兼夾同個鐵箱合照打卡喇