Milu Thai มิลู่ไทย (亞士厘道)

Open Now

Now Closed

🦐生蝦刺身去食thai food其中一樣必食嘅就係生蝦，生蝦鮮味之餘非要爽口！而且魚露、蒜頭、香葉、青檸汁做嘅蘸汁令生蝦風味十足，夾埋生蒜辣椒，更有泰式辛辣感！🐔蒜蓉牛油雞翼牛油香氣滲入雞肉，雞皮脆，雞肉無乾柴柴，蒜蓉炸到好香脆，勁邪惡！🥢泰式春卷個醬汁酸甜有梅味，令油炸美食減肥膩感，春卷足料，入面嘅蔬菜炸完唔單止無吸晒啲油，而且做保持到清爽濕潤。🍍菠蘿海鮮炒飯原個菠蘿，炒飯粒粒分明有口感，仲有黃薑風味。Topping嘅腰果都係焗過，金黃色又脆口熱辣辣，仲有豬肉鬆。炒飯有豐富配料，有蝦、八爪魚、三色豆、菠蘿、提子，仲有臘腸，十分有風味！🥬馬拉盞炒通菜通菜有鑊氣，少少辣夠惹味，炒完嘅通菜仲係翠綠爽脆，有豆瓣醬、香蒜、乾蔥等等加埋一齊，夠鑊氣又有鹹香。🍋‍🟩青檸酸辣明爐烏頭用上新鮮烏頭炮製，配搭香茅、南薑、辣椒、芫荽及青檸等材料煮成的酸辣魚湯，仲有吸收晒魚湯嘅粉絲配搭，湯底香濃惹味，令人食指大動！🥥椰青食thai food當然要飲椰青，即開椰青，椰汁清甜，椰肉雪白！