元朗合隆潮州粉麵 (新文華中心)

Open Now

Now Closed

有一次去尖東附近做嘢，趁有時間同個朋友再去覆桌食多一次呢間潮州麵館，因為想試吓其他湯底嘅味道，可能因為仲係算做農曆新年假期附近，所以唔算太多人。今次就想試吓佢個豬油撈飯，所以叫咗一個豬什拼豬油撈飯，豬油嚟到其實都幾大碗，裏面真係幾足料同幾多唔同嘅款式，豬油撈飯基本上個香味實有嘅，簡簡單單豬油加豉油，雖然都明白會好唔健康同埋比較肥，但係都係希望豬油可以再多少少，因為撈起上嚟啲飯感覺唔係好夠豬油味。朋友就叫咗個豬骨湯底嘅麵，加咗腐竹，魚角，同埋牛肉，我試過個湯底都好香，下次我都會食呢個湯底。另外叫咗個清湯牛肉餅做小食，同埋一個冰鎮墨魚頭小食，兩個嘅味道都好好。