勁回味

Open Now

Now Closed

話說今日下午要去尖東區有ad-hoc job 要做, 除左附近既鐵牛台灣麵, 我本身想去食慢煮牛不過唔知點解營業時間冇開到...最後飢餓既大腸喚起左腦部負責遠古記憶既神經線, 曾幾何時我去過一間噴水池附近既手卷買大大舊海膽手卷食, 我立即search下就行過去。尖東呢區其實都幾多好野食, 不過外賣手卷, 又平又抵食既就只有呢間勁回味。今次去就唔洗點排隊, 想當年次次都要排十幾人先叫到... 由於天氣熱冇乜心情食海膽, 最後叫左個辣味三文魚虎蝦手卷。只需八分鐘左右就完成, 非常新鮮同埋wasabi方面有進步, 之前wasabi係超辣依家就好似冇乜勁岩返正常人食。