Video
Read full review
2022-06-01
290 views
喺尖東返工看似唔驚無嘢食，餐廳確係有唔少，但質素平庸都要大排長龍…😕，所以如果有時間嘅話，我會選擇行遠啲去厚福街嗰邊。不過呢排落雨☔️，就求其係附近搞掂算。我同同事幫襯咗「Fog Bar & Restaurant」，見門口有個特價餐就一於試吓。小店面積唔大，下午一點半鐘去到全場爆滿👏。室內裝修比想像中有心思，因為天花板吊咗唔少花束💐，再配合埋綠葉牆身，帶比人一種小花園嘅感覺。後尾先發現原來佢仲有一排室外座位，放工嚟飲酒食飯都幾Chill。我哋入到嚟認真睇餐牌先發現唔止得特價餐🙈，意式三道菜午餐相對貴少少，但款式吸引好多，而且仲包前菜同飲品。除咗午餐外，佢仲有好幾本餐牌，估唔到咁細間舖都煮到咁多菜式😳。午餐前菜可揀湯或沙律，我哋各要咗一份。🍅意大利蕃茄濃湯Creamy Tomato Soup非常濃郁，茄味酸酸的，好開胃。🥗希臘沙律Greek Salad並非單靠醋汁調味，蔬菜新鮮，再加埋羊奶芝士粒，夠清新。挪威煙三文魚彩椒手拉薄餅Norway Salmon & Mix Bellpepper Pizza($88)，🍕Pizza直徑如餐牌所述為八吋，新鮮滾熱辣焗起，直頭係燙手程度🔥，所以芝士嘅拉
喺尖東返工看似唔驚無嘢食，餐廳確係有唔少，但質素平庸都要大排長龍…😕，所以如果有時間嘅話，我會選擇行遠啲去厚福街嗰邊。不過呢排落雨☔️，就求其係附近搞掂算。我同同事幫襯咗「Fog Bar & Restaurant」，見門口有個特價餐就一於試吓。
小店面積唔大，下午一點半鐘去到全場爆滿👏。室內裝修比想像中有心思，因為天花板吊咗唔少花束💐，再配合埋綠葉牆身，帶比人一種小花園嘅感覺。後尾先發現原來佢仲有一排室外座位，放工嚟飲酒食飯都幾Chill。
我哋入到嚟認真睇餐牌先發現唔止得特價餐🙈，意式三道菜午餐相對貴少少，但款式吸引好多，而且仲包前菜同飲品。除咗午餐外，佢仲有好幾本餐牌，估唔到咁細間舖都煮到咁多菜式😳。
午餐前菜可揀湯或沙律，我哋各要咗一份。🍅意大利蕃茄濃湯Creamy Tomato Soup非常濃郁，茄味酸酸的，好開胃。🥗希臘沙律Greek Salad並非單靠醋汁調味，蔬菜新鮮，再加埋羊奶芝士粒，夠清新。
挪威煙三文魚彩椒手拉薄餅
$88
8 views
1 likes
0 comments
挪威煙三文魚彩椒手拉薄餅Norway Salmon & Mix Bellpepper Pizza($88)，🍕Pizza直徑如餐牌所述為八吋，新鮮滾熱辣焗起，直頭係燙手程度🔥，所以芝士嘅拉絲效果超強勁，拉極都唔斷，食到我哋手忙腳亂，哈哈。🧀芝士以外，餡料仲包括大量煙三文魚同三色椒，三文魚熟咗更具鹹香，而三色椒就為薄餅帶來色彩🌈。Pizza係薄批，口感香脆，唔飽滯，就連細食嘅我都覺得可以輕鬆一人食晒，皆因好食。我敢講佢比起市面上高檔意大利餐廳嘅出品更出色！
米蘭燴牛肉配香脆蒜蓉法式麵包
$100
4 views
0 likes
0 comments
泰式甜酸焗雞翼
$98
9 views
0 likes
0 comments
跟餐奉送嘅小甜品Dessert好精緻🍮，係一口大小、花花形狀嘅花奶香芋奶凍。味道似曾熟悉，唔太甜，仲額外加多一份小餐館嘅人情味。
飲品方面🥤，午餐包冷熱飲品，我哋要咗凍檸茶同凍檬水，無乜好介紹，但就夠晒大杯。晚市好似有做Happy Hour啤酒優惠，下次可以試吓。
題外話，餐廳老闆同店員們都好好人👍，識講廣東話嗰位女士溫柔有禮，以誠待客。另一邊廂，今日亦有機會同外藉老闆傾計，佢話呢度開業十年，食物出品係正宗意大利整法🇮🇹，以迎合返附近一帶客源。
總括嚟講，呢間位於尖東嘅餐廳製作出極高水準嘅食品😋，老實講事前完全估唔到，因為佢門面頹頹哋，不過自此之後佢會成為我嘅午市飯堂。餐廳主打意大利菜，不過同時亦提供印度菜，而佢更好貼心特設素食餐牌，值得大家多多支持💪，推介啊！
Post
