韓珍 (帝國中心) (Closed)

已經差不多一年沒有旅行去 思鄉既時候唯有搵野食黎慰藉下寂寞的心靈😝今次搵左間韓國人主理嘅韓燒餐廳，店員大部分用簡單英語溝通，真係好係韓國既feel 😜 由於呢間鋪真係好多韓國人幫襯 所以平日既放工時間都fullhouse 要等位先入到 (下次會book定位先XD)一坐底叫野食就有韓式小菜食，包括：泡菜、豆腐皮、洋蔥、蘿蔔條、香腸😋😋 前菜仲可以無限refill , 如果叫韓燒仲有鐵鍋芝士蛋餅送燒肉方面我地叫左「蜂巢五花肉$150」同「豬頸肉$150」，幾欣賞呢度既燒肉 蜂巢五花肉 係將五花腩用刀切成一格格 好似蜂巢咁 會令到燒肉燒既時候快熟好多 唔會燒起上黎好硬 所以食起黎係好juicy既五花腩👍🏻 另外豬頸肉都好厚身同肥瘦適中 份量都幾多下🙈除左燒肉當然要try try佢其他韓國野 選擇左「薯仔排骨鍋$300」極力推介👍🏻👍🏻👍🏻 簡直係copy左係韓國食既味道 豬骨好大舊又入味 炆到好淋 好易咬開排骨😝 另外薯仔同湯底先係個精華 薯仔超甜又淋 一咬落去就吸晒湯底個種濃郁😍