Shari Shari Kakigori House 氷屋

Open Now

Now Closed

Shari shari 由佢係銅鑼灣未出名開始食，到依架開咗幾間分店，開心嘅係可以分散啲啲人食(有幾次都因為太多人排隊而放棄咗)，但開咗分店後就不得不加價今晚為咗唔洗排隊而食到，我地放棄食晚飯直接7點半黎到尖沙咀分店，真係可以直入對比舊舖呢間好闊落，唔會枱掂枱咁逼住，枱都大張咗好多，可以舒服地食，唔洗就住就住。店內亦飄住淡淡清新嘅香味。我地果斷地一人叫一個冰: 抹茶忌廉焦糖同芒果熱情果味開咗分店都仲保持到水準，份量都依然係大大碗，除咗面頭嘅topping，冰中間嘅餡都仲係滿滿的，食到尾都仲係好有味。抹茶忌廉焦糖 芒果熱情果味芒果熱情果味第一次試，整體係芒果味嘅冰，面頭有熱情果果肉，酸酸甜甜都冇得輸架啦唯獨中間係餅乾餡，個人覺得有啲唔夾，如果中間都有熱情果會開心啲，面頭果啲肉唔係好夠分晒成個冰黎食。我記得以前係舊舖食，店員會主動提食客影相打卡要盡快，同埋要由頂開始食，唔係個冰好易溶同塌，但新舖已經冇人提呢樣野了。同埋已經改咗用scan qr code落單。另外，雖然環境闊咗好坐咗，但店內唔係坐滿嘅情況下好好嘈，好應聲。