尖東好彩海鮮酒家海景宴會廳

Open Now

Now Closed

星期六尖沙咀收工，想找一間餐廳坐低慢慢食個晚餐，撞正五一假期，周圍都係遊客，喺尖東搵到間酒樓有海景，又唔使等位，就試吓彩福海鮮酒家，地方好大，好光猛，餐具清潔程度正常，洗手間清潔程度一般地面濕滑，如果坐到窗邊，仲有尖東海旁海景。風雲片皮鴨（一隻）$298，一鴨兩食，侍應喺廚房用車仔推片皮鴨到客人枱前即場用刀片皮，眼見片皮鴨熱辣辣仲有煙出，包皮用蒸籠上保持到熱度，每塊皮中間都有牛油紙阻隔避免黐住一齊，片皮鴨皮脆唔多肥膏，醬料除咗一般正常外，還有XO醬、沙茶醬及沙律醬配合XO醬竟然幾好味，剩餘嘅鴨肉選擇咗芽王炒絲，鴨絲炒出嚟會唔會太乾亦唔會太韌味道幾好，配合芽菜好有口感。雙仙採靈芝（雲耳，鮮淮山，西蘭花，椰菜花）$ 98，蔬菜炒得有鑊氣所有菜都好爽口。滋味三杯雞煲 $118，雞件嘅份量都好多，配料亦都好足，炸蒜頭、乾蔥蔥，薑片，所以令到整個雞煲個味道好好。係尖東食中菜晚飯，七蚊嘅價錢，真係算係咁，坐得舒舒服服飲番杯茶，普洱茶葉就正常普通，窗邊仲有海景，絕對合理。