Namo Avant Thai Restaurant (Closed)

尖東海旁有好多唔錯嘅餐廳，其中帝國中心Namo Avant Thai Restaurant就係一個非常悠閑嘅泰式餐廳，佢可以望到維港海景，傍晚時相當浪漫，餐廳有室內同室外用餐區，室內寬敞悠靜，透過玻璃窗都欣賞到維港迷人景緻。戶外用餐區更是一大亮點，好有異國情調，好岩吹水飲嘢。我好鍾意食佢哋嘅沙律，正宗泰式風味，有好多款選擇，我哋試咗兩款。SOM TOM (青木瓜沙律)青木瓜絲配以青辣椒、蒜頭、花生、車厘茄等材料，淋上泰式酸辣醬汁，開胃爽口。POMELO PRAWN (柚子蝦沙律)蝦肉已經去咗殼，蝦肉高質彈牙又入味，柚子果肉豐富，充滿水份，淋上泰式酸辣汁，非常開胃！CRAB YELLOW CURRY (蟹肉黃咖喱)啖啖蟹肉份量充足，入口細膩，配以濃郁香滑的黃咖哩汁，椰香吸，跟蒜蓉包配以咖喱汁，又可以加泰國香米飯。SALMON DILL BUTTER (香草奶油三文魚)厚切三文魚柳肉質唔錯，以香草奶油烹調，鮮嫩多汁，淋上清新的青檸汁，清爽不油膩。TICKY RICE MANGO (芒果糯米飯)軟糯的糯米飯系斑斕味，配以香甜的芒果肉，淋上椰漿，加上椰肉碎點綴，口感豐富，賣相都好靚。