星滙演 (Under Renovation)

尖東尖沙咀中心呢度嘅StarVerse原來唔同日子係有Live band，主打懷舊嘅歌曲，當晚星期四live band 9:30先開始。講返野食，整體cp值ok，有返咁上下質素又唔算貴。龍蝦包配龍蝦湯 $138🦞調味幾香，龍蝦肉亦塞滿晒成個包，如果個包稍微再烘一烘一定會更好食。另外配搭上龍蝦湯作為點綴😳黑安格斯西冷扒300g $238叫咗5成熟，切好咁上碟，肉眼睇都知熟度pink得啱啱好，西冷一般重牛味帶小小𡁻口，配上嘅醬汁都唔簡單，據說是熬煮好一段時間而成，再加上幾有誠意嘅sides☺️番茄帶子意粉$168意粉嘅質地煮得啱啱好，彈牙有嚼勁，亦能完美地吸附番茄醬微甜微酸嘅風味。帶子鮮美和口感軟嫩合格水準。