Number 9 Coffee

Open Now

Now Closed

知道尖東新開了間cafe，估唔到係周圍都做團客生意嘅尖東都有一間咁隱蔽而又幽靜嘅地方，呢日就同朋友嚟支持一下呢間新開小店。餐廳主要係賣意粉、多士及沙律嘅健康輕食，價錢都算合理。我同朋友叫了個墨西哥雞卷配牛油果醬，另外仲有跟個紅菜頭沙律，沙律嘅份量都唔少，材料亦新鮮。墨西哥雞卷食落口感清新，加上蕃茄粒酸酸甜甜為味道加分。另外我地再叫左個煙三文魚多士share食，面頭嘅係煙三文魚碎，油香味濃郁，配上黑醋食落更開胃。最後當然唔少得要試下呢度嘅咖啡，我叫了杯americano，呢度嘅咖啡豆係少少帶酸fruity味較濃嘅一種，但係又唔會有苦澀味，所以唔落糖味道更好。朋友就叫了杯latte，佢話奶味好重口感香滑。最後我仲同朋友係度用電腦工作了一個下晝，呢道鋪面唔大但就係個幽靜舒適嘅好地方。