和牛燒肉‧純

Open Now

Now Closed

尋日同老公嚟尖東食飯，呢間燒肉店選取正宗日本產飛驒牛，裝修以木系色調為主，感覺柔和，乾淨衛生，唔會有油漬，亦唔會聞到燒肉嘅油煙味日本產和牛牛排肉/上牛排肉 $128/$218和牛油花超級靚，口感軟嫩，非常濃厚牛味同油脂香，肉汁juicy，即使燒到全熟都一樣咁軟嫩，一啲都唔會老，送白飯一流。牛排肉性價比好高，百幾蚊都食到咁高質素嘅和牛日本產雞肉 $98有三種口味（鹽味/味噌/辛味），我揀咗味噌味，雞肉好嫩滑，亦都醃得好入味，唔需要加任何醬油日本產厚切豚腩肉 $108豬腩五花肉嘅層次明顯，肉質爽口又唔會太肥膩柚子蜂蜜$30/ 巨峰梳打 $45天氣凍飲返杯熱飲暖笠笠，熱柚子蜂蜜清新潤喉；巨峰梳打味道酸甜，清新解膩豆腐沙律 $48沙律菜爽脆清新又開胃，可以減少左肉嘅油膩感，豆腐選用絹豆腐，豆味香濃又香滑，加左脆麵包粒口感層次更豐富整體食物質素高，性價比不錯；地方乾淨衛生，坐得好舒服；職員服務態度細心有禮。