一盛極牛 (Closed)

香港熱愛日式拉麵, 拉麵店更加開到梗有一間喺左近, 今日就試下呢間以頂級和牛作招來嘅一盛極牛。白牛拉麵 (火焰和牛 - 二分) $158選用熊本縣A4級或以上嘅和王牛, 牛肉佈滿油花, 經過火灼後更入口即溶, 絕對令你回味無窮。湯底以牛骨及骨髓, 大火煮足20小時, 淆製而成, 香濃程度不難想像。麵底亦大有來頭, 用上南天製麵嘅真空雞卵面, 原材料全部來自日本, 製作出細緻彈牙嘅拉麵。碗中更加入多款拉麵配料, 有芽菜、黑木耳絲、荀、紫洋蔥、紅椒絲、紫菜、溏心蛋, 配料份量充足, 令整碗拉麵生色不少。