Video
Read full review
2022-09-14
295 views
中秋節同屋企人帶埋個bb食飯，當然要揀個相對少人嘅地方，最後揀左圓方嘅Monsoon，平時Element都好少人，但可能因為係中秋，成條街都好多人。叫左軟殼蟹米紙卷($128)、鮮蝦柚子沙律($108)、沙嗲拼盤($138)、青咖喱雞($158)、鮮蝦炒泰式金邊粉($138)、蒜蓉辣椒炒通菜($68)，最後食唔飽就叫多左個鴨肉菠蘿炒飯($128)。飲品就叫左個mocktail Lemon Berries Colada ($68)同椰青($58)。鮮蝦柚子沙律唔錯，最鍾意佢啲柚子夠甜，酸酸甜甜的適合作為前菜開下胃。軟殼蟹米紙卷就有啲失望了，咬落去都唔係好覺得有軟殼蟹，證明唔夠脆都唔夠味，食落去蔬菜嘅草青味較重。鮮蝦炒泰式金邊粉同平時喺泰國食嘅pad thai味道唔太相似，差左陣酸甜味，但如果當係普通炒粉食，其實都唔錯。蒜蓉辣椒炒通菜就同平時嘅普通炒菜一樣，味道不過不失。沙嗲拼盤包左雞牛豬，三款肉質都叫唔錯，沙嗲醬都叫惹味。青咖喱雞對得起佢menu上嘅兩隻辣椒，不過咖喱質地同想像中嘅唔同，都幾稀，用蒜蓉包沾會比較似浸湯嘅感覺，本來以為佢會係比較濃稠，呢度有啲失望。鴨肉菠蘿炒飯中鴨肉重味，擺
叫左軟殼蟹米紙卷($128)、鮮蝦柚子沙律($108)、沙嗲拼盤($138)、青咖喱雞($158)、鮮蝦炒泰式金邊粉($138)、蒜蓉辣椒炒通菜($68)，最後食唔飽就叫多左個鴨肉菠蘿炒飯($128)。飲品就叫左個mocktail Lemon Berries Colada ($68)同椰青($58)。
鮮蝦柚子沙律唔錯，最鍾意佢啲柚子夠甜，酸酸甜甜的適合作為前菜開下胃。
軟殼蟹米紙卷就有啲失望了，咬落去都唔係好覺得有軟殼蟹，證明唔夠脆都唔夠味，食落去蔬菜嘅草青味較重。
鮮蝦炒泰式金邊粉同平時喺泰國食嘅pad thai味道唔太相似，差左陣酸甜味，但如果當係普通炒粉食，其實都唔錯。
蒜蓉辣椒炒通菜就同平時嘅普通炒菜一樣，味道不過不失。
沙嗲拼盤包左雞牛豬，三款肉質都叫唔錯，沙嗲醬都叫惹味。
青咖喱雞對得起佢menu上嘅兩隻辣椒，不過咖喱質地同想像中嘅唔同，都幾稀，用蒜蓉包沾會比較似浸湯嘅感覺，本來以為佢會係比較濃稠，呢度有啲失望。
鴨肉菠蘿炒飯中鴨肉重味，擺盤只鋪喺炒飯上，有啲你還你我還我嘅感覺，而炒飯中嘅菠蘿味道唔算太出。
飲品方面，椰青揀得幾好，飲落去係清甜的，至於mocktail都足料，幾重椰汁味。餐廳環境幾靚，幾有feel，職員都熱心，會主動幫手加水。至於食物方面，其實唔仔細食都會覺得okay，但當你仔細品嚐時會發現有唔少不如期望嘅地方。總括而言，餐廳綜合質素唔差，不過我未必會因為佢嘅食物而專登再去多次。
Post
