彤 (Closed)

中秋節又係姊妹團圓的時候，所以我地一班為食姊妹又出動去食好西，去尖沙咀金馬倫道33號The Cameron 1樓102號舖的一間叫《彤》的餐廳食Omakasa。Omakaso即係餐牌由廚師發辦，我地坐定定係到等驚喜，享受食物！我最喜鍾意個秋刀魚壽司，熊海老壽司，北海道產鱈魚白子和富良野赤肉蜜瓜。秋刀魚壽司，廚師將新鮮的秋刀魚切一小小格，點上醬汁，令醬汁更容易黏附在魚身，表面一層銀色魚皮好有光澤，獨特的秋刀魚味配上蔥花，味道一絕！熊海老壽司，隻蝦有2隻手指咁肥😍成隻大蝦切開一半，再包入壽司飯，啖啖蝦肉放入口，蝦肉鮮甜又彈牙，好味😋北海道產鱈魚白子，魚既精子做咗岩鹽嘅鹽燒，好creamy既口感，大廚將白子燒到表面微焦，所以食到有咸香味。白子的油脂感比較重，所以怕油膩的，可以加檸檬汁一齊食，口感會比較清爽。富良野赤肉蜜瓜，呢個蜜瓜冇得輸，蜜瓜多汁，味道清甜，口感清爽。