齋啡 (Closed)

鄰近山林道嘅齋啡，所有食材同甜品都唔含肉類、奶類、蛋類。而咖啡同其他飲品就使用燕麥奶沖調，真係一間純素cafe。除此之外，齋啡亦都係一間寵物友善嘅cafe，佢哋都非常歡迎大家帶同毛孩一齊用膳，大家仲可以問店員免費索取狗零食㗎。齋啡嘅宗旨都係鼓勵大家嘗試接觸素食同埋善待動物嘅概念，真係好值得支持同鼓勵㗎。Thai Basil OnmiPork Pizza微微辣嘅Pizza，加上新豬肉、茄子同埋金不換葉，味道都幾match。Pizza面頭有啲素芝士，令pizza有煙韌嘅口感。Handmade Charcoal Bagel 黑松露醬、大啡菇、雙層豬柳扒，再用竹炭Bagel夾成漢堡，伴碟配上牛油果沙律。材料非常豐富，沙律菜都好新鮮。而且整個Bagel都好大份，食完後好有滿足感。Red Velvet Vegan Cake 口感紮實得嚟綿潤再加埋柔滑嘅純素奶油，甜而不膩。奶油味道同牛奶cream一樣綿滑有油香。Banana Bread 充滿蕉香，香甜、鬆軟，濕潤綿密。去齋啡食依年香蕉蛋糕做早餐就最合適不過。Espresso Tonic 一如喺齋啡飲開嘅，保持水準。Hojicha Latte 焙茶味