和処 酒肴 (Closed)

呢間日式餐廳係日本同事介紹，所以都有d期望咁去。去到門口，心諗經過都一定唔會入去啦。入到去，唔算大，坐都十零人左右。不過可能今晚平日，唔算多人，可以靜靜地食下野、傾下計。佢有3個set，當中既壽司刺身都係由師傅發板，無得揀～ 而佢兩名師傅都係正宗日本人。前菜有七款小食：海鹽枝豆、芝士魚餅、松前漬希靈籽甘荀海帶 （個人最like呢個，爽口👍🏻）、辣味蚌仔、黑松露昆布蛋捲、芥辣八爪魚、雜菜雞肉凍。每一款都好好食，份量少少，有齊不同既味道～之後就上左一碟左口魚刺身，魚生好新鮮，入口帶有少少花香，加少少芥末已經可以入口，連豉油都唔需要。緊接是醬燒目立魚拼炸雞件，炸雞外脆內滑，另外重配有黑松露薯仔沙律。之後有我最愛的茶碗蒸，入面加有魚肉，令蒸蛋更加鮮味。終於到主角啦～壽司有：三文魚籽、䲞魚、鰹魚、鯖魚、針魚、梳子魚。係香港是少有而且難得的好食，今次終於比我遇上啦～ 當中針魚既口感好爽口，而䲞魚配上少少柚子，味道清香又不會掩蓋魚的鮮味。奮興既我竟然掛住食唔記得影相😭到最後都重有驚喜，就係柚子雪葩加抺茶蕨餅作完結，柚子雪葩十分清新，內有少少柚皮，唔會太酸或太甜。