鳴 Fusion (Closed)

前排睇openrice 呢間 鳴Fusion 係餐廳排行榜出現，重好似拎第一，緊係有時同男朋友拍拖去食啦，同埋我呢排真係好想食火炙壽司咯！！一於去食到夠本！！咁去到附近，搵左一陣先搵到，因為我地都無留意到係樓上鋪，我地係望到有佢地餐廳既易拉架先搵到佢地係邊～上去要等𨋢，不過下次自己行上去重方便咁入到去，可能工作日啦，就無5算滿場，都有半成入座率既。佢地點餐5似出面啲放題係好多紙去寫，係一張紙比你填號碼，份量，感覺環保，5會浪費麻～上菜速度快，刺身方面無冰做底，唔會入口太過冰冷，口感都算唔錯，火灸三文魚肥美，但醬太多，令主角味道有啲影響，希望店家可以係呢點改善下。沙律方面都清爽，蟹籽都量多，唔會覺得有失望，小小一碗，份量合適。其他小菜方面就可以一試。飲品區選擇種類同外面差唔多，不過茶水方面係冷茶，無保溫，而且茶味淡，呢方面令我感到有些可惜。但甜品區有牛牛，兒時回憶，可以一試