Layback Cafe & Bar (Closed)

  好耐無同朋友出去食晚飯傾計，今晚放低諾諾去咗尖沙咀Layback食飯，餐枱唔係多，而且門口貼住只招待會員，所以相信walkin的話應該無位...晚餐有9個主餐可以選擇，Cafe嚟講都算多，價錢中高價，無跟餐飲品但有減$10加配飲品；我哋叫咗明太子炸軟殼蟹忌廉扁意粉、 英式炸魚配黑松露薯條，飲品就叫咗：蘋果蜜桃鮮打綠茶同荔枝啤梨鮮打綠茶。  餐廳佈置得幾有心思，香薰味亦好香，鮮打綠茶首先送上，水果味同茶好夾，唔會過甜，完全飲到個份誠意👍 明太子炸軟殼蟹忌廉扁意粉 跟住嚟，份量都算大碟，一碟有4件軟殼蟹，足料❤️意粉軟硬適中，汁無過濃引起膩感👍抵讚 英式炸魚配黑松露薯條都算大份，有兩件炸魚，每件都大過手掌，炸漿都夠薄身，唯魚肉有d濕同醬汁辣咗d, 同炸魚唔多夾；而薯條新鮮炸起，份量好足，調味適中，好味。