龍百味小廚

Open Now

Now Closed

喺尖沙咀做完嘢已經八點，最想就極速返屋企休息，經過金馬倫道一間小廚～龍百味.小廚店內好光猛吸引咗我，店內人頭湧湧可堂食亦可外賣，我就買外賣盡快返屋企。餸菜排列清潔整齊分門別類，價錢清晰以每款小菜計算，睇見樣樣都想食最後揀咗幾樣。陳年黑醋骨，酸甜適中濃而不膩，排骨鬆軟又入味。紅燒肉，睇見啲肥豬肉就流晒口水，肉香四溢滑嘟嘟，正到不得了。韭黃蝦仁炒滑蛋，韭黃香蝦仁新鮮彈牙，滑蛋味濃。羅漢齋有大豆芽，茄子，粟米仔等，清新爽口。鮮茄牛肉炒蛋，酸酸甜甜牛肉鬆軟有味，非常醒胃。各樣餸菜都熱辣辣，半個鐘返屋企後仲係熱，價錢合理味道好。