Video
Read full review
2022-11-13
74 views
依間餐廳係尖沙咀區一直人氣高企，食物質素的確唔錯。食物種類繁多，餐牌有文字有相，不過當日我哋冇做好功課，亂叫咗啲食物。雖然依間印度餐廳環境企理，仲有啲fine dining裝修嘅feel，但係枱與枱之間好窄，張枱嗌多啲野食已經唔夠位放 ，所以有種浪費咗個環境嘅感覺。前菜亂叫咗咖喱角，我天真地以為唔係炸嘅小食，好彩咖喱角足料之餘，味道可以，又幾香脆，自我製造嘅驚喜！依度嘅butter chicken係我想念嘅味道！蕃茄會落重啲，味道會較酸啲，所以顔色偏橙紅。最讚嘅係雞肉份量都幾多又好嫩滑！Truffle naan味道還好啦，正所謂無比較無傷害，但要比較同區一星個間的話，依間就有啲落差 。松露醬搽係面頭，松露味有啲太突出，點咖喱唔係好夾。Lamb Shank係高質之選，羊肉唔會太羶，炆得夠腍，配薯蓉又幾好！叫Mango lassi又係一個笑話，明明我哋見好幾張枱飲芒果汁，望來望去成個menu又只係得一款芒果飲品。點知嚟到原來Mango lassi係芒果奶昔，仲要重沙冰！不過味道係唔錯㗎，大大杯仲幾飽肚！Samosas $72Butter chicken $138Truffle naan $
依間餐廳係尖沙咀區一直人氣高企，食物質素的確唔錯。食物種類繁多，餐牌有文字有相，不過當日我哋冇做好功課，亂叫咗啲食物。雖然依間印度餐廳環境企理，仲有啲fine dining裝修嘅feel，但係枱與枱之間好窄，張枱嗌多啲野食已經唔夠位放 ，所以有種浪費咗個環境嘅感覺。
前菜亂叫咗咖喱角，我天真地以為唔係炸嘅小食，好彩咖喱角足料之餘，味道可以，又幾香脆，自我製造嘅驚喜！
依度嘅butter chicken係我想念嘅味道！蕃茄會落重啲，味道會較酸啲，所以顔色偏橙紅。最讚嘅係雞肉份量都幾多又好嫩滑！
Truffle naan味道還好啦，正所謂無比較無傷害，但要比較同區一星個間的話，依間就有啲落差 。松露醬搽係面頭，松露味有啲太突出，點咖喱唔係好夾。Lamb Shank係高質之選，羊肉唔會太羶，炆得夠腍，配薯蓉又幾好！
叫Mango lassi又係一個笑話，明明我哋見好幾張枱飲芒果汁，望來望去成個menu又只係得一款芒果飲品。點知嚟到原來Mango lassi係芒果奶昔，仲要重沙冰！不過味道係唔錯㗎，大大杯仲幾飽肚！
Samosas $72
Butter chicken $138
Truffle naan $48
Lamb shank $258
Mango lassi $42
Post
