Video
Read full review
2025-01-29
0 views
估唔到喺尖沙咀諾士佛台竟然有間好有日式風情嘅居酒屋🏮一打開𨋢門已經見到有幾個大清酒桶，而餐廳入面亦都有兩個大雪櫃，擺滿咗好多款清酒，好似我呢啲唔係好識飲清酒嘅，就可以同侍酒師講返自己嘅喜好，請佢推薦返邊款啱飲🍶牆身亦咗貼滿咗好多清酒嘅label，就算平日都爆曬場😆加茂錦 愛山 無濾過生原酒 $80寫樂 純米吟釀 火入 $80嚟到首先揀兩杯清酒先，呢度五勺（即一杯）最平$80就有，亦都可以揀一合，但係我哋唔飲得咁多酒揀一杯算，呢兩款都係侍酒師推介，兩款都好易入口，加茂錦嗰款嘅甜味就重啲絲鰺 $380呢度每一日亦都有唔同嘅活魚推介，可以揀刺身或者鹽燒，我哋就揀咗絲鰺魚，呢款係厚切嘅做法，魚皮輕輕燒過，帶出一陣燒過嘅香味，而魚骨亦都可以加錢煮湯或者炸咗佢，我哋就揀咗要魚骨麵豉湯（+$30）暖一暖個身吉列蠔配海膽醬 $78呢度嘅吉列蠔好有驚喜，每一隻都鋪滿咗厚厚嘅海膽醬，仲要唔係得個色，入口真係有海膽味，而蠔肉嘅部份都唔馬虎，唔係平時整好晒嘅急凍貨，蠔肉亦都好飽滿炸赤雞橫隔膜 $68第一次食炸嘅雞橫膈膜，質感其實同雞肉幾似，但係就比較有咬口牛舌海鹽燒 $72呢度嘅牛舌都好高質，用咗牛舌芯嘅部份
加茂錦 愛山 無濾過生原酒 $80
寫樂 純米吟釀 火入 $80
嚟到首先揀兩杯清酒先，呢度五勺（即一杯）最平$80就有，亦都可以揀一合，但係我哋唔飲得咁多酒揀一杯算，呢兩款都係侍酒師推介，兩款都好易入口，加茂錦嗰款嘅甜味就重啲
絲鰺 $380
呢度每一日亦都有唔同嘅活魚推介，可以揀刺身或者鹽燒，我哋就揀咗絲鰺魚，呢款係厚切嘅做法，魚皮輕輕燒過，帶出一陣燒過嘅香味，而魚骨亦都可以加錢煮湯或者炸咗佢，我哋就揀咗要魚骨麵豉湯（+$30）暖一暖個身
吉列蠔配海膽醬 $78
呢度嘅吉列蠔好有驚喜，每一隻都鋪滿咗厚厚嘅海膽醬，仲要唔係得個色，入口真係有海膽味，而蠔肉嘅部份都唔馬虎，唔係平時整好晒嘅急凍貨，蠔肉亦都好飽滿
炸赤雞橫隔膜 $68
第一次食炸嘅雞橫膈膜，質感其實同雞肉幾似，但係就比較有咬口
牛舌海鹽燒 $72
呢度嘅牛舌都好高質，用咗牛舌芯嘅部份切咗厚粒，燒至啱啱好中間粉紅色，口感爽彈
鮟鱇魚肝法包 $58
平時食鮟鱇魚肝多數係壽司，今次呢個就比較特別，將鮟鱇魚肝醬搽咗喺法包上面，有啲似鵝肝醬搽麵包咁
明太子玉子燒 $48
玉子燒暖笠笠，入面有滿滿嘅明太子醬，亦都唔會過鹹，側邊仲有黑松露沙律醬可以點
富山白蝦唐揚 $68
係一隻隻嘅炸蝦仔，好啱送酒食
炸豆腐味噌燒 $28
厚豆腐上面加咗味噌醬再燒，比較濃味
醬油燒飯團 $38
燒飯團嘅外層燒到脆卜卜，加咗甜甜地嘅醬油
Post
