Iberians (Closed)

尖沙咀人來人往，想搵間餐廳靜靜地坐下都難。今次到訪位於尖沙咀嘅西班牙餐廳，牆身畫左一張好長嘅歐洲風景圖，加上一啲民族風嘅裝飾，同朋友靜靜地飲番杯嘢同傾計就啱哂啦。首先嚟到嘅係兩款湯，是日餐湯有紅甜椒忌廉湯 $78和法式龍蝦湯$98。本身好驚紅椒戈種辛辣味，但係飲落完全唔覺，反而口感好順滑又有少許甜味。而法式龍蝦湯就相對比較濃郁又重海鮮味。香辣蕃茄炸薯條 $58熱鐵鑊上面放滿炸薯條，中間淋上香辣蕃茄和放上一隻流心蛋。熱辣辣嘅薯條加上微酸又帶辣嘅蕃茄醬，餸酒一流。加利西亞章魚 $78廚師故意用切粒嘅方式去呈現章魚嘅彈牙口感，再配上香脆嘅脆片，組合簡單，但又可以呈現章魚嘅鮮味。烤西班牙橡果黑豚肉配烤杏仁及燒菠蘿 $238比眼前嘅巨型黑豚肉所吸引，可能因為餵食橡果嘅關係，肉質比較鬆軟而且肉味會比較濃郁，切開亦都好多肉汁。