Video
Read full review
2024-05-05
1759 views
聽人講好食就聽得多，今次真係去試吓係咪真係名不虛傳。一入大廈見到得樓梯，要行上3樓，點知行到上執先甩到隔離原來有lift，蠢咗！惟有當行吓留定quota 食多2啖啦入去有侍應招牌幾位隨便坐咁，啲位有少少迫，不過食個米線唔會用太多時間都無乜所謂。叫咗個明火小鍋米線+蘿蔔+豬大腸+魚腐（小辣）味道⭐️⭐️⭐️⭐️⭐️首先未食要讚嘅係佢係點單紙仔上面嘅選項好個人化，可以揀辣度、酸度、走乜、加啲乜、少米、煮久…仲勁過你去日本叫拉麵咁貼心，所以剔完食咩都已經加咗分米線一上檯當然係試一試個湯底如何，湯頭係偏甜呃類別，幾岩我個人口味，但辣度方面小辣就果然係辣得太溫柔，愛辣之人會覺啦爭咁啲啲，可以辣度上叫得無咁保守。米線係偏幼身個款，掛湯度不錯，入口幾細滑又唔會煮得太過火太爛，算係中上嘅米線質地蘿蔔清甜無渣，未有食到好刻意浸過糖水，煮得夠熟無過硬，合格水準。魚腐係一般凍肉鋪叫貨質素，無驚喜不過不失，可以唔叫豬大腸十分軟稔無臭味，煮得偏甜同食得出係花咗時間去處理，欣賞佢剪得好大舊，入口口感超滿足！最後一讚係可以加莞茜！簡直係莞茜控嘅福音，總括而言味道質素都係值得回頭，雖然價錢略高，但睇返地段黎講都叫做可以接受！
入去有侍應招牌幾位隨便坐咁，啲位有少少迫，不過食個米線唔會用太多時間都無乜所謂。
叫咗個明火小鍋米線+蘿蔔+豬大腸+魚腐（小辣）
味道⭐️⭐️⭐️⭐️⭐️
首先未食要讚嘅係佢係點單紙仔上面嘅選項好個人化，可以揀辣度、酸度、走乜、加啲乜、少米、煮久…
仲勁過你去日本叫拉麵咁貼心，所以剔完食咩都已經加咗分
米線一上檯當然係試一試個湯底如何，湯頭係偏甜呃類別，幾岩我個人口味，但辣度方面小辣就果然係辣得太溫柔，愛辣之人會覺啦爭咁啲啲，可以辣度上叫得無咁保守。
米線係偏幼身個款，掛湯度不錯，入口幾細滑又唔會煮得太過火太爛，算係中上嘅米線質地
蘿蔔清甜無渣，未有食到好刻意浸過糖水，煮得夠熟無過硬，合格水準。
魚腐係一般凍肉鋪叫貨質素，無驚喜不過不失，可以唔叫
豬大腸十分軟稔無臭味，煮得偏甜同食得出係花咗時間去處理，欣賞佢剪得好大舊，入口口感超滿足！
最後一讚係可以加莞茜！簡直係莞茜控嘅福音，總括而言味道質素都係值得回頭，雖然價錢略高，但睇返地段黎講都叫做可以接受！
Post
