新籽田會館 (Closed)

新年食太多油膩野想返啲清淡少少，上網睇到有准陽菜私房菜就約埋朋友book位試下由於只有兩個人，所以都係以小食為主．四季豐料老火湯（需要一天前預約）主要以豬/雞同粟米熬成，非常濃厚而且無油係面，以一盅熱辣辣既湯開始今晚餐飯～．饞嘴烏雞爪第一次見烏雞雞腳，非常入味而且係無骨，可以見到店家既用心．油燜香荀微辣既香荀，完全無荀既臭味，哩個有驚喜呀．籽田貢菜係川味泡椒味，花椒味較重，鍾意食辣既朋友可以考慮哩一個小食．麻辣嗦螺係一個好送酒既小食，每一粒都好入味，食到後期越食越辣好過癮．揚州大煮幹絲店家推介既一味菜，上菜時發現原來係豆腐乾片成薄片再切成細絲，係一碟好考師傅既刀功，雞湯底完全無味精感，好新奇健康既菜式．松鼠魚尾菜單上無既隱藏菜式，因為係老闆新研發既菜式，店員推介決定一試，係一個驚豔既菜式，松鼠魚十分滑，完全無骨連細骨都無，配三色豆唔會搶左魚既鮮味，係成晚既亮點