Video
Read full review
2018-04-15
572 views
去開尖沙咀做野，順便晚飯，又唔想逼同等位，就揾下有無樓上餐廳，揾到喺尖沙咀地鐵出口行5 分鐘就到既太子大廈6樓既西餐廳SHINE!餐廳環境格調優雅，適合良朋共聚，三五知己摸下酒杯傾下計！餐牌選擇貴精不貴多，一個晚餐餐牌，一個餸菜餐牌，由頭盤到甜品，連素食又有都有供應！我哋今晚order左4 個菜，呢度既份量都大，足夠2 人share享用！首先嚟到有前菜有芒果甜蝦沙律，甜蝦大隻鮮甜，芒果配爽口沙律加埋油醋汁，酸酸甜甜，格外開胃！再嚟有秘醬麻辣手撕雞配脆鍋巴，估唔到手撕雞會配上兩隻大雞脾，我哋都非常驚喜！手撕雞做得嫩滑，配埋個香脆十足既鍋巴一稔一脆，口感十足！至於個秘醬有d似桂林辣椒醬咁，不過多左一重麻辣既味道！仲有兩隻雞脾比手撕雞肉更吸引，皮燒得焦香，肉就做得嫩滑！加埋個秘醬仲惹味！跟接嚟到既有墨汁意大利飯，鮮甜既墨汁鋪滿整個飯，加埋幾款不同既海鮮係確係滋味！最後要特別講下佢哋既鎮店漢堡！用料十足不在講，味道先係重點！漢堡扒生熟程度恰到好處，非常嫩滑，牛味十足，每啖都有好勁既肉汁流出！ 芝士再包住件煙肉，勁香口同惹味！加埋佢個酸酸甜甜醬汁，為個包增添左多重既口感！呢餐埋單$8 00 +
餐廳環境格調優雅，適合良朋共聚，三五知己摸下酒杯傾下計！
餐牌選擇貴精不貴多，一個晚餐餐牌，一個餸菜餐牌，由頭盤到甜品，連素食又有都有供應！
我哋今晚order左4 個菜，呢度既份量都大，足夠2 人share享用！
首先嚟到有前菜有芒果甜蝦沙律，甜蝦大隻鮮甜，芒果配爽口沙律加埋油醋汁，酸酸甜甜，格外開胃！
再嚟有秘醬麻辣手撕雞配脆鍋巴，估唔到手撕雞會配上兩隻大雞脾，我哋都非常驚喜！手撕雞做得嫩滑，配埋個香脆十足既鍋巴一稔一脆，口感十足！至於個秘醬有d似桂林辣椒醬咁，不過多左一重麻辣既味道！仲有兩隻雞脾比手撕雞肉更吸引，皮燒得焦香，肉就做得嫩滑！加埋個秘醬仲惹味！
跟接嚟到既有墨汁意大利飯，鮮甜既墨汁鋪滿整個飯，加埋幾款不同既海鮮係確係滋味！
最後要特別講下佢哋既鎮店漢堡！用料十足不在講，味道先係重點！
鎮店漢堡
$168
19 views
0 likes
0 comments
漢堡扒生熟程度恰到好處，非常嫩滑，牛味十足，每啖都有好勁既肉汁流出！ 芝士再包住件煙肉，勁香口同惹味！加埋佢個酸酸甜甜醬汁，為個包增添左多重既口感！
呢餐埋單$8 00 + ,作為一間由位置到食物份量到質素都不俗既餐廳，又頗為合理！我哋都食到揍住個肚走！
Post
